الغربة الطويلة

الغلاف

2007-10-26T20:04:00.000-07:00

استمعوا إلى قصائد هذا الديوان بصوت شربل بعيني

Charbel Baini
Al-gurba at tawila
(Ancient migrant)

اقلب الصفحة من فضلك

كلمات محبّة

2007-10-25T20:07:00.000-07:00

كلمات محبة
سكري المذاق كل شعرك. ولكن قصائدك : مملكة الحكي، والغربة الطويلة ومجنون عم يسأل لها نكهتها وعذوبتها المميزة كتميز الشهقات الأخيرة لانبلاج الفجر، وكالهسيس الناعم الذي يسبق صرخات مخاض بهير الضوء في الهنيهات التي يبدأ فيها الحائك الأعظم حبك القبة الزرقاء بخيوط من أثير.
قرأت لك خواطرك الجميلة تلك، قرأتها في المرة الأولى للإطلاع وفي المرة الثانية للتذوق حسب تعبير صديقنا الشاعر هنري زغيب.
استوقفتني في مملكة الحكي دقة تصويرك لشعور المغترب بالوحدة حين يجنح به الخيال لتشكيل بشري يناجيه ليذكره بأنه لايزال في عالم الأحياء . تعابير منبجسة من قلب القلب ترشح لوعة وتقطر شجى شبابة قصب بين أصابع راع من بلادنا :
وْصِـرْتْ بـْلـَيالِي الـْبـِكـِي

إجْبـُلْ مِـنْ تـْرَاب الحَكـِي

إنـْسَانْ..

إسْألْ: يْجَاوبـْنـِي

إزعـَلْ: يْعَاتـِبـْنـِي
و يتصاعد احترافك في رسم المشهد عبر الخشية الخبيئة في كلماتك السبع:
وضْحِكِتْ لـِمـِّنْ قِـلـْتْ:

وْصِلـْتْ..

لـَوَيْنْ؟.. مُشْ مَعْرُوفْ!!
يا ألله ! كم هي مخيفة عتمة المجهول؟؟ حتى في الوطن، وحري بها أن تكون أرهب حين يتسمر المغترب حائراً مشتت البوصلة إزاء سراديب النفق المعتم، وعلى باب كل سرداب نصب دراكولي اسمه "مُشْ مَعْرُوفْ". ولو لم أكن متيقنا من أن كبيراً كشربل بعيني هو من حبك ذلك النسيج اللذيذ لنسبته لقلمي وتوأمته ببيت من قصيدة لي:
يَا غـُرْبْتـِي لـْمَا طـَال غـُرْبِـه قـَدّها

تـْلاتـِينْ عامْ وْبـَعـْدْ غـَايـِمْ حـَدّهَا
أتساءل باندهاش عن مدى تطابق المعاناة! وأنوه بصدق شكواك أخي شربل حين تئن بحنجرة كل مغترب:
وْقـَالـُولـِي تـَعـَبـْنـَا تـِعـِبْ

والعمر ابتلى
صَدَقـْتْ! وهل يعود ما فات؟ من ذا الذي سيرجع لنا تلك السنين التي راحت ولن تعود؟ وهذا ما جسدته في قصيدة لي بكلمات مشابهة:
تـْلاتـِينْ عامْ بصخب بحر الإغتراب

من العمر راحت ما حَدا بـيردّها
وفي "مجنون عم يسأل" تفيض عباراتك بمرارة نسغ التساؤل واليأس، استمتعتُ حقاً بقراءتها و"قـَرْقـَشْتُ" تشبيهك للغربة بفتاة دون العشرين ذات عينين سوداوين تناجيك بإشفاق وحرقة:
غـُرْبه.. عْيـُونـَا سُودْ

ما عُمْرْهـَا (عـِشْرينْ)

قالـِتْ : بـ شُو مَوْعـُودْ

يَا شَاعْري الـْمِسْكـِينْ

عَمْ تـْرْسُمْ الرَّجْعَه

عَ مْوَاجْ مِرْتـِفْعَه

وْ بَيـْنـَكْ وْ بَيْنَا سْنِينْ
مرة أخرى: نفس الألم بغير قلم، و ما عبرتَ أنت عنه كان في بالي حين تأوهتُ في قصيدتي المماثلة:
وْ كلّ ما فْتـَكَرْتْ بْعَوْدْتي بْشوفا سَرابْ

بْظروف تْتْفَاوتْ بـِمَزْحَا وْجَدّها
وْ كلّ ما ظَنَنْتْ اقترَبْ يَومْ الإقتراب

الأقْدار بْتْعُودْ الطَّريقْ تْسدّها
وما أروعك وأنت تكمل بما بدأت:
قِلْتِلْهَا : مَا خِنْتِكْ بْهَالْعُمْرْ

وْلاَ نْسِيتْ أتْعَابـِكْ

تْحَمَّلْتْ فِيكِي الْقَهْرْ

تَا وْفَيْتـِكْ عْذَابـِكْ

وْيَامَا بْعَرَقْ جِسْمِي

عِطّرْتْ إجْرَيْكِي
تتعدد الأقلام والحيف واحد. سَلـِمْتَ وسلم قلمك يا أستاذ!

محمود شباط ـ الخبر ـ السعودية

شربل بعيني الشاعر الذي كتب لبنان بعاطفة مجروحة، ونسج الحب كلمات رومنطقيّة، آلمه جرح الوطن، فارتفع صوته في قصيدته الجديدة، ليحكي العذاب، ويلوّن الريح، ويشق العتمة، فجاءت قصيدته "الصوت العالي" صورة واقعية عن وطن الأرز.
أنور حرب
التلغراف ـ العدد 1611 ـ 8/5/1987
**
قرأت، منذ سنوات، ديواناً صغيراً لشربل بعيني أسماه "إلهي جديد عليكم"، واستغربت التسمية، ولكنها كانت تؤشّر وتبشّر بجديد قادم. وقد شعرت خلال اطلاعي السريع على "إلهي جديد عليكم" بأنه يتضمّن عينات مشجعة لمنجم شعري قريب الغلّة والمواسم.
بطرس عنداري
مقدّمة ديوان الغربة الطويلة 1985
**
الحب عند شربل بعيني ترحال وسفر، ويود أن يستمسك بكل اللحظات الهانئة في غزله، ويطلق عليها لحظات التوازن الذاتي، لكنه مع الحب يترك عنانها، فلا تعرف معنى التوازن المستقل وهو يعزف اللحن على قيثارة هواه.
محمد زهير الباشا
البيرق ـ العدد 247 ـ 25/9/1990
**
أمام هذا الواقع، حرّك يا ربّ، عقول رجال المسؤوليّة، كي يعوا حقيقة الوجود، ويضمّوا شربل بعيني وأمثاله بكلتا الذراعين، وليجعلوا منهم مفخرة للأرض ومشعل نور.
نجدد القول: الشكر لك يا رب.. الشكر لك. ونصرخ "عالمكشوف" إلى الأمام يا شربل، فأنت سيف الأدب المهجري.
طوني شربل
صدى لبنان ـ العدد 301 ـ 15/6/1982
**
يا رفيق الكلمه الحدِّه
الـ رافقت الشعر بشوطك
اشتقنا عليك، ومن مدِّه
ما عدنا سمعنا صوتك
روبير خوري
صاحب مجلّة "صوت الشّاعر" ـ لبنان
**
من فعاليات المربد: ماذا جنيت من المربد؟.. قلت له جادّاً: فاكهة. طفق يضحك باستغراب: وما نوع فاكهتك هذه؟!.. أجبته جادّاً: شربل بعيني. ورحت أحدّثه عنك، وعن غربتك، وعن شعرك.. وأخبرته أنك كنت فاكهة المربد الوحيدة!!
إياد الزاملي ـ العراق
**
مزيداً من العطاءات والإبداع، أيها الشاعر المحلّق المبدع شربل بعيني، فمثلك وحده يعمل لوحدة أمتّه، ويسعى لرفع الحواجز من بينها، وإعطاء فكرة خيّرة نبيلة عنها.
أنت وجورج جرداق، وجرجي زيدان، قد دخلتم التاريخ من أوسع أبوابه، وخلدتـم في محرابه.. فمرحى.. ثـم مرحى.
الدكتور عبد اللطيف اليونس
مجلة الثقافة السوريّة ـ 9/5/1992
**
..أمّا الشاعر شربل بعيني فلا ينافس، لأنه بلغ مستوى فرض المنافسة على الأخرين. ولا يتشاوف لأنه ليس فارغاً. خزانته تضجّ بالثروة، ويده أبداً مفتوحة، لتعطي لا لتأخذ. إنّه كالسنابل الملأى التي تنحني بتواضع، بينما السنابل الفارغات رؤوسهن شوامخ.
وقد تشطب يد الخبث اسـم شربل، أو تنزل صورته من حارة الدخان ولعبة الليل، ولكنّها لا تستطيع أن تمسح شربل أو تحذفه أو تلغيه. إنه لا يسقط إلاّ من أعمدة العار، ولا يرتفع إلاّ على سلّم ترتقيها الأجيال الطالعة صوب المجد.
يلغي ذاته أوّلاً كل من يحاول إلغاء الغير، كالنار تأكل بعضها إن لـم تجد ما تأكله.
كل نكرات الأرض لا يمكنها أن تتجاوز المعرفة، وكل آلات الزمن الساقط لا تستطيع أن تشكّل حيزاً واحداً في مساحة الحياة الممتدة على مدى الألق الفكري.
ومن الآن إلى نهاية النهايات، سيبقى الشعر صوت الحب، وسيبقى الأدب ضمير الكون، وليس كثيراً على شربل بعيني أن يبقى صلة الوصل بين الحبّ والكون.
نعيم خوري
البيرق ـ 29 تشرين الثاني 1992
**
من الواضح تماماً أن شربل بعيني لا يكتب الشعر للشعر، إنما هو فارس يمتطي صهوة القصيدة ليبلغ مأرباً ما. الشعر عنده غائي وهادف. وهو وسيلته الفضلى للتخاطب والآخرين، لقول رأيه في الأمور، لنبذ ما يمج، وتعضيد ما يستحبّ. لذا نجده ناقماً على المتاجرين بالدين والطائفيّة من رجال دين وسياسة، داعياً الناس إلى التعقّل والتبصّر وعدم الانقياد خلفهم.
جوزاف بو ملحم
صدى لبنان ـ العدد 495 ـ 3/5/1986
**
شربل بعيني شاعر ثائر متمرّد جريء، يتفجّر شعره بطاقات جديدة لـم نألفها من قبل، وشعره معاناة شخصيّة صادقة، وهذا ما يعطيه زخماً معبّراً أجمل تعبير.
فؤاد نمّور
صوت المغترب ـ العدد 905 ـ 2/10/1986
**
إلى شربل بعيني..
إلى الإنسان الطيّب المجبول بالحب والشعر والحنان. أنت كتلة ممزوجة بدموع الأرز وتراب جبالنا المقدسة، حملتك الرياح إلى بلد الإغتراب لتكون في قلب كل مغترب.
شربل صعب ـ أميركا
**
أنا عازم، إن سنحت الظروف قريباً، أن أسجّل انطباعي عن مضمونها وعنك كتابة في الجريدة، وقد يكون ذلك تحت عنوان "شربل بعيني يقبض على الكلمة" أو أي عنوان آخر يخطر في حينه، وتفسيري لذلك هو كونك لا تحب المجاملة أو الإطراء الذي يطير في الهواء، ولكنك من منطلق إنصاف نفسك وغيرك تقوم بتدوين كل رأي، وهذا هو في نظري ما يجب أن يأخذ به الجميع.
أحمد الأشول ـ اليمن
**
شربل بعيني واحد من أكثر رادارات الأمّة حساسيّة، شاشته شعره، تسجّل أدق ذبذبات الحياة. ترسل التحذير حيث يجب التحذير، وترسم معالـم الغد المشرق لأمة أصابها الذبول بعد مجد زاهر اغتاله تجّار الطائفيّة وعبيد الدولار.
كامل المر
كتاب "مشوار مع شربل بعيني"1988
**
.. وإذا كان الإنصاف والإجحاف طبيعتين فطرت عليهما النفس البشريّة، وانطوت عليهما سرائر الناس، فلا عجب والحال هذه، أن يكون لشربل بعيني منصفون يعترفون بفضله ويقرّون بجميله، ومجحفون يحاولون تطيين شمس الحقيقة وحجب أنوارها بانتقادات عقيمة من هنا، أو مآخذ هزيلة من هناك، ولا غرو فهذه سنّة الخلق منذ كانت الخليقة.
لكن شربل بعيني لـم يأبه لشيء من هذا، ولـم يكترث بالقيل والقال، فتابع مسيرته كالعملاق بخطى ثابتة وتصميم وثقة بالنفس والجماهير، فلـم يزده كلام المنصفين إلا تواضعاً ومضاء، ولـم يفت في عضده نقيق الجاحدين.
عصمت الأيّوبي
صدى لبنان ـ العدد 652 ـ 27/6/1989
**
شربل بعيني شاعر حقيقي، موهوب، أصيل، صوت حقّ مجلجل، ملأ دنيا المهجر، وشغل النّاس كباراً وصغاراً. زرع في كلّ روض زهراً حلواً، وعطّر أجواءنا بمسك أريجه وعنبره. له باع طويل بالشعر والنثر. كتب وأعطى الغربة بسخاء. ترجم آلام الشعب العربي وآماله، وطالب بحقوقه بجرأة نادرة.
مي طبّاع
كتاب "شربل بعيني قصيدة غنّتها القصائد" ـ 1994
**
وأخيراً، وقبل أن تموت، أطال اللـه في عمرك يا شاعري، أرجوك أن تضيف على اللقبين السابقين اللذين أضفيتهما عليك: شاعر الغربة الطويلة وشاعر الحنين، لقباً جديداً: شربل بعيني شاعر السنابل اليانعة.
تريز حرب
الوطن ـ العدد 600 ـ 4/6/1987
**
وحده شربل بعيني ترّهب في صومعة الشعر والكلمة ثائراً، عاشقاً، متعبّداً، مناجياً. إلى هذا، وشربل لـم يكن يعلـم إنّه سيصبح "بحّاراً يبحث عن اللـه"، أو "مشواراً" على دفاتر الأدباء وفي قلوب الأصحاب والأحباب، ويوبيلاً هو فضّته وذهبه وعقيقه.
هذا هو شربل بعيني الشاعر والإنسان والمربي. سواء أحببت شعره أم لا، فلا تستطيع أن تنكر عليه حق الأسبقيّة في إغناء المكتبة المهجريّة بالعطاءات الغزيرة، وبتفعيل الحركة الأدبيّة العربيّة في المغترب الأسترالي.
هذا هو شربل بعيني الذي يشهد له القاصي والدّاني، إنه شاعر جريء، وصديق مخلص، وقلب محبّ.
ألبير وهبة
جريدة العالـم العربي ـ 1993
**
أكاد أقول: عندما أوجد اللـه الحبّ في الأرض خلقه على وزن شربل بعيني ومثاله. فأنت حر في أن تحبّ الشاعر أو تكرهه، ولكنّك لست حرّاً في أن ترفض الحب الذي يبادلك به. أليس الحب هو الشعر؟.. أو أليس الشاعر هو القدوة التي تسيّر الجماهير؟ وما العظمة إذا كنت تشبه النّاس في تفكيرهم وأحاسيسهم وسلوكهم اليومي؟
الدكتور جميل الدويهي
صوت المغترب ـ العدد 1079 ـ 17/5/1990
**
نتاج شربل بعيني لـم يقف عند حدود أستراليا، بل تخطّاها، "طار" إلى لبنان والبلاد العربيّة، فقيلت فيه كلمات، وعقدت لنتاجه ندوات، وكتبت حول دواوينه دراسات نذكر منها دراسة الأديب محمد زهير الباشا "شربل بعيني ملاح يبحث عن اللـه".
أنطونيوس بو رزق
البيرق ـ العدد 378 ـ 10/8/1991
**
تبسّمُ الرّوضِ بالأزهار يحيينا
وشربل الشعر بالتغريد ينشينا
يا ما أحيلاه تغريداً لشربلنا
وشدوِ مَن بقريض الشّعر يُشدينا
المفتي تاج الدين الهلالي
يوبيل شربل بعيني الفضي 1993
**
القصائد الاربع والعشرون التي يضمها ديوان "أللـه ونقطة زيت" للشاعر شربل بعيني، تتميّز بالعفوية والاصالة، التي هي من مناقب الشاعر الحقيقي. لا ينحت من صخر بل يغرف من بحر آلهة الشعر، وتأتي القصائد كلها وكأنها صيغت في وقت واحد. أمواج دفاقة تتشابه بكل ما فيها من تيّارات جعلت لهذا الديوان وحدته، وتضامن أفكاره، وسعة آفاقه.
المطران عبده خليفة
مقدمة ديوان "أللـه ونقطة زيت" 1988
**
أتمنى لك، يا شربل بعيني، أن يظلّ النجاح حليفك، وأن لا تثنيك المعاكسات عن مواصلة الجهاد حتى تتجسّد الكلمات في موطن الكلمة نوراً يبدّد الظلام، وناراً تحرق ما تراكم من آثام.
الأخت المشيرة إرنستين خوري ـ لبنان
**
وأخيراً صدر في أستراليا الجزءان السادس والسابع من سلسلة شربل بعيني بأقلامهم، وهذه الولادة الجديدة ما هي إلاّ شهادة عرفان بالجميل لهذا الشاعر الذي كان أول من فجّر ينابيع الشعر في دنيا الإغتراب، كما أنها تحمل بطيّاتها ينابيع صافية تقديراً ومحبّة لأول من حمل رسالة الحق، رسالة المحبّة، رسالة لبنان الواحد في دنيا الإغتراب، حيث أصبح بنظر الجميع أهم رسول للبنان.
مطانيوس مخّول
صوت المغترب ـ العدد 1106 ـ 29/11/1990
**
سيدي الأستاذ شربل بعيني
لقد مشيت طويلاً في نظم القوافي، وحبك الصّفايا اللوامع. فكنت كالشرارة في المحافل، فلـم تترك مناسبة إلاّ وأطلقت بها من فرائدك ما سموت به إلى الشواهد.
فإن أنت بكيت لفاجعة ما، ماجت أبياتك بنزوات كبدك المقهور، وأوحيت إلى سامعيك بما يشعرهم كما لو أن الفاجعة حلت بهم ونالت منهم.
وإن أنت هنّأت وباركت، استنزلت التهنئة من قريحة وقّادة، يخالطها دماثة اللفظ، وروعة السحر، فتترك من أصغوا إليك في حذر ونشوة، وكأن التهنئة أعدّت لكل من طرقت سمعه ودغدغت روحه.
وإن أنت غنّيت الجمال، تدفّقت المعاني من بين شفتيك أبكاراً، ليس لسواك ادعاء أبوّتها، ويغبطك عليها حتى من تسلّقوا القمّة من أعلام القريض.
مصطفى البدوي
البيرق ـ العدد 301 ـ 7/2/1991
**
يحق للعربي في هذه الديار أن يفخر بشربل بعيني، الشاعر اللبناني الأصيل، ليس لأن أشعاره تأتي سلسة عذبة، يسكب من خلالها معاناته في إناء أنيق فحسب، بل لأنه يعصر فيها قلبه، ويحبك من وهج شرايينه قصائد يفرغها في قلب القارىء، ليعطيه طاقة روحيّة، ويترجم له أحاسيسه ومعاناته، مقدّماً له كأساً من الشعر فيها نجواه وشكواه، فشعره ليس نجوى، وليس صدى لمعاناة "الأنا"، بل هو صوت القارىء ولسانه أيضاً، وبذلك يثبت شربل، عن جدارة، أنه شاعر المهجر الأوّل في أوستراليا.
أيّوب محمّد أيّوب
صوت المغترب ـ العدد 851 ـ 19/9/1985
**
الشاعر شربل بعيني لا يزال مسكوناً بهاجس التجديد والتغيير والتمرّد على ألأوزان والألحان الشعريّة التقليديّة. وقصيدته الجديدة " حبّيتك يا بنت بلادي" هي إحدى بنات هاجسه التجديدي، وإحدى قنبلاته التمرّدية.
قد ينكر البعض على شربل هذا المنحى الشعري التجديدي كما أنكر القدماء على جبران خليل جبران، ونزار قبّاني، وأنسي الحاج، ويوسف الخال، وأدونيس وغيرهم، لغاتهم الشعرية والأدبيّة الجديدة، وإكمال القصيدة عندهم وأوزانها. لكن القديم سقط امام تيّارات التجديد التي لا تزال تتجدّد باستمرار منذ كانت الدادائية والسريالية اللتين لعبتا دوراً تحريضيّاً مهماً على "تهوئة" الأدب واللغة وإنعاشهما، وإطلاقهما عبر شبابيك اللاوعي.
ميشال حديّد
ديالا ـ العدد الرابع ـ 3 أيلول 1987
**
يا شربل بعيني.. يا فخر الملهمين
مين اللي عنك قال شاعر بسّ مين
مش إنت شاعر.. إنت صاحب مدرسه
للشعر.. نزلت في سجلّ الخالدين
عطيت الشعر إبداع ما بعدو فنا
وعربشت فوق المجد.. هامك ما انحنى
وشوّقتني إمشي على دربك أنا
تا شـمّ من شعرك عبير الياسمين
يا بِنْ مجدليّا على الدرب القويم
خلّيك حامل راية الشّعب العظيم
ومهما طريقك طال.. والليل البهيم
يعبس بوجّك.. ضلّ لبناني أمين.
الشاعر الغريب زين الحسن ـ1994
**
يا شربل ريّح بالك
ولا ترد على هالأطفال
شايفها الشمس قبالك
والشمس شافوها خيال
عم تشهدلك أفعالك
خيّال وأفضل خيّال
الواوي ما قدر يطالك
الواوي رح يبقى واوي
وشربل.. رح يبقى رجّال!!
نديم سابا
صدى لبنان ـ العدد 648 ـ 30/5/1989
**
ويميّز الشاعر بعيني بين النقد الأدبي الذي يتناول الشاعر، والنقد الذي يتناول القصيدة، ويقول إن النقد الأدبي في أستراليا يتناول بمعظمه الشاعر ولا يتناول القصيدة، ويعطي مثلاً بعض التوجّهات "النقديّة" الخاصة بقصيدته الجديدة "قرف"، التي تناول معظمها شربل بعيني ولـم يتناول القصيدة!..
وينفي شربل بعيني عن جيل السبعينات الثقافي في أستراليا تهمة الإنغلاق والتحجّر، ويعدّد مآخذه على "بعض" الجيل اللبناني المثقّف الذي هاجر من لبنان في أواسط الثمانينات حاملاً معه التجربة الثقافيّة المعاصرة إلى المغتربات، والذي، حسب تعبيره، لـم تنل منه الحركة الثقافيّة المهجريّة الناشئة في أستراليا سوى تجربة الإدعاء والتشاوف الثقافي، وعادة رمي الحجارة على البيوت والمؤسسات التي فتحت أبوابها عند بداية وصولهم إلى المهجر.
خضر أبو راشد
سوراقيا اللندنية ـ العدد 541 ـ 10/1/1994
**
صدر مؤخراً الجزء الخامس من سلسلة "شربل بعيني بأقلامهم" للأستاذ كلارك بعيني. يضم الكتاب مجموعة من المقالات والأبحاث التي تناولت شربل بعيني كشاعر حمل بيمناه كمشة تراب من الوطن، وراح ينثرها شعراً، وحمل بيسراه كناراً يصدح أناشيد المحبّة، أناشيد الغزل، ليرددها خلفه آلاف المعجبين بهمسة الدفء، وشموخ الجبال، وعطاء الآرض، ومحبّة العصافير في شعره وكتاباته.
ممدوح سكرية
التلغراف ـ العدد 1986 ـ 18/9/1989
**
أعرف معلّماً، كبيراً وقويّاً..
نادراً ما يخطىء.
اسمه شربل بعيني.
هو رجل الأحرف الأبجديّة،
أعماله لا تقيّدها القيود..
إنّها تعشق الحريّة.
يحب أن يكتب وأن ينشر،
وهذا ما يسبب للكتّاب العظام التعب والإرهاق.
يدرّس اللغة العربيّة في "سيدة لبنان".
ويعشق هذه اللغة.
وكل لغة أداة فاعلة.. خاصة للشعراء.
طلاّبه يحبونه، ويعترفون بأنهم مديونون له.
الشاعر الأسترالي دونالد أوفرييه
ترجمة قصيدة كتبها عام 1989
**
من جهتنا.. نهنىء انفسنا وكل ابناء الجالية العربية بالشاعر شربل بعيني، لأنه شاعر مرهف أولاً، ولأنه عربي ثانياً، ولأنه منفي مثلنا في بلاد الاغتراب ثالثاً.
يقولون عن شربل بعيني انه سليل طائفتين عريقتين في لبنان، وكل ابن طائفة يحب ان ينسبه الى طائفته، ولسان حال شربل يقول: أنا ابن كل طوائف لبنان، وأنا لا علاقة لي بكل طوائف لبنان.
أنا ابن كل الطوائف عندما يجتمعون في حب الوطن، وتقديس الانسان، والايمان بحريته الشخصية وبالديموقراطية، وعندما يكون شعارهم: الدين للـه والوطن للجميع.. لا فضل فيه لفرد على فرد إلا بمدى اخلاصه للوطن.
وأنا لا علاقة لي بكل الطوائف في لبنان، عندما يكونون طوائف وأمراء وعسكراً متذابحين.
شوقي مسلماني
النهار ـ العدد 506 ـ 12/9/1986
**
من هو هذا الرجل الذي يقال عنه إنه سيّد الكلمات والأدب؟..
من هو هذا الرجل الذي يسمونه شربل بعيني؟..
هل هو ساحر يستعمل الكلمات بدل القبعة والعصاة.؟..
بعض الذين شاهدوه يأخذ بألباب مستمعيه افتكروا أنه ساحر. ولكن لا، شربل ليس ساحراً، إنه رجل.. محبّته لشعبه اللبناني لا توصف.
الشاعر الاسترالي ليز زاميت
صوت المغترب ـ 1985
**
عندما زارني شربل بعيني مؤخراً في بيتي ضحكت معه طويلاً. وأنا لـم أعد أعرف كيف أضحك منذ زمن بعيد، وفي سرّي تعجّبت منه، وأحببت براءته الطفوليّة. كان يثرثر بخفّة وطلاقة عن أولئك الذين أطلقوا الرصاص حوله في طرابلس، وعن أولئك الذين أرسلوا الخوري لأمه. كنت أرى أشباحهم السوداء وكأنهم خارجون من توّهم للجحيمن بينما كان هو يرى فيهم دمى ملوّنة من مسرح العرائس، أو خيالات مضحكة على شاشة كراكوز. وضحكت تلك الليلة لضحكه. لكنّ رؤيتنا للأشياء كانت تختلف اختلافاً جذرياً. كنت أنا أرى العالـم جحيماً لا يطاق، بينما كان هو يرى العالـم مكاناً مشرقاً يمكن أن يعيش فيه الأطفال.
عندما ودّعته وأغلقت الباب، أحسست بأن شربل قد منحني بصيصاً من أمل.
الدكتورة سمر العطّار
مقدّمة "كيف أينعت السنابل؟" 1987
**
ما عابهم أنهم في الأرض قد نثروا
فالشهب منثورة مذ كانت الشهبُ
رادوا المجاهل في الدنيا ولو وجدوا
إلى المجرّة ركباً صاعداً ركبوا
إن هذا القول يطابق حياتك كل المطابقة يا شربل بعيني، فأنت قد انتثرت من أرض الوطن كما تنثر النجوم من أفق إلى أفق، وقد ردت المجاهل ولو وجدت أبعد من أستراليا لوصلت.
ريتا بواري ـ لبنان
**
أرجو أن تعيدوا تمثيل لوحة الأطفال المشردين مع أغنية "صلاتي الصغيرة"، وأن تدعوا جميع محطات التلفزيون، وخاصة "إس بي أس"، لمشاهدة هذا المشهد وتسجيله حتى يتم توصيل الرسالة إلى قلوب كل إنسان في أستراليا والعالـم، ونحن جميعاً بانتظار أعمال أخرى ناجحة، يا أستاذ شربل يعيني، منك ومن كل طفل تعاون معك.
أنطوني ولسن
البيرق ـ العدد 221 ـ 6 تموز 1990
**
من منا لـم يسمع عن شربل بعيني الشاعر والأديب المهجري الذي قال عنه الناقد والأديب السوري المعروف محمد زهير الباشا بأنه "ملاح يبحث عن اللـه"؟.
لقد كان قراء "صوت المغترب" أول من تعرّف على شربل بعيني الإنسان والشاعر والأديب والكاتب. وشربل بعيني شاعر معطاء لا يعرف الكلل، ينتج بغزارة وينشر نتاجه، لأنه كما يقول: كي نشجّع القراءة الأدبيّة في المهجر، علينا أولاً أن نشجّع النشر. وما نشره شربل بعيني في المهجر يعطيه، بحقّ، لقب الشاعر المعطاء.
أنطوان سابيلا
صوت المغترب ـ العدد 1009 ـ 19/1/1989
**
إنّني على صلة دائمة بأدباء وشعراء المهجر في كافّة أنحاء المعمورة، وأرى أن الشاعر شربل بعيني هو شاعر العصر في المغتربات، لا يوازيه أي أديب مهجري بغزارة الإنتاج الأدبي، ووضع مجهوده، وعبقريته، وماله، رهناً لإعلاء الأدب والفكر، وغرس الكلمة العربيّة في القلوب والنفوس، وبذل الذّات للحفاظ على ألق الحضارة العربيّة، وشدّ العلاقات والأواصر بين أبناء المغتربين وإخوتهم المقيمين.
نعمان حرب
الثقافة السوريّة ـ 1993
**

اقلب الصفحة من فضلك

مملكة الحكي

2007-10-24T20:25:00.000-07:00

مملكة الحكي
ـ1ـ
.. وْفَكَّرتْ حَالِي حْكِيتْ!!
تَارِي الْحَكِي غْبَاشِه
بْشُوفُو أَنَا وْمَاشِي
لَمْعِةْ قَدَحْ كبْرِيتْ.
ـ2ـ
لا تْقُولْ إِنِّي سْمِعْتْ!!
حَكْيِي أَنَا مَلْمُوسْ،
حْرُوفُو عَ وَرْقَه جْمَعْتْ
وْعِلَّقْتُنْ بْدَبُّوسْ
قُونِه عَ صدْر الكَوْنْ
مَغْرُومْ فِيهَا اللَّوْنْ
وْفِيهَا الْعطر مَحْبُوسْ.
ـ3ـ
.. وْصِرْتْ بِلْيَالِي الْبِكِي
إِجْبُلْ مِنِ تْرَاب الْحَكِي
إِنْسَانْ..
إِسْأَلْ : يْجَاوِبْنِي
إِزْعَلْ : يْعَاتِبْنِي
وْيِرْسُمْ عَ كَفِّي مَمْلَكِه
بْخِيطَانْ
مِنْ دخَّانْ..
وِيْقُولْ : يَا إِبْنِي
إِنْتَ الْمَلَكْ
مَا أَجْمَلَكْ
شْلَحْت الدِّنِي كِلاَّ
بْإِيدَكْ تَا تِتْسَلَّى
أَللّـه خَلَقْهَا مْشَرْبَكِه
لا تْزَعّلُو لأَللّـه
بِشْطَارْتَكْ حِلاَّ...
ـ4ـ
.. وِضْحِكِتْ لِمِّنْ قِلْتْ:
وْصِلْتْ..
لوَيْنْ؟.. مُشْ مَعْرُوفْ!!
وِالدَّرْبْ قدَّامِي
مَرْصُوصْ بِعْضَامِي
بْآهَاتْ.. كِيفْ مَا مِلْتْ
بِتْفَرْفِطِ كْلامِي
بْنَهْدَاتْ وِقْفُوا صْفُوفْ
عَ شْطُوطْ أَحْلاَمِي
.. وْيَا وَقْعِةِ التِّفْكِيرْ
الْـ مَا بَعِدْهَا وَقْعَه:
مَلْيُونْ حَرْف زْغِيرْ
بْيِتْجَمّعُوا نْوَاطِيرْ
عَ جْوَانِبِ الدَّمْعَه
وْفُورْ يَا دَمِّي
وْزِيدْ يَا هَمِّي
كِيفْ بَدِّي إِكْتُب بْسِرْعَه
وِالْعُمرْ وَلْعَه؟!
كِيفْ بَدِّي رَافِقِ الْكِلْمِه
وْمُشْ آمْنِه الرَّجْعَه؟!
**
الغربة الطويلة
ـ1ـ
كَتْبُونِي عَ شْفَاف وْلادُنْ
قَصِيدِه لِبْلادُنْ
الْمَزْرُوعَه بالنَّارْ
بِالْحُزْن وْبِالدَّمَارْ
وْعَ فَرْشِةِ النِّهَايِه.. قَالُولِي:
يَا غُرْبِةِ الأَيَّام الطَّوِيلِه
حْكِيلُنْ عَ اللِّي صَارْ
مَعْ دَمْعَات الْعِينَيْنْ الْخَجُولِه
اللِّي تْجَمَّدِتْ عَ خْدُود الطُّفُولِه
وْمَا غَسَّلِتْ آثَار بْعَادُنْ!!
ـ2ـ
.. وْقَالُولِي: تَعَبْنَا تِعِبْ
وِالْعُمْر ابْتَلَى
وْمِنْ عَرَقِ صْلاوَاتْنَا شِرِبْ
كْتَاب الصَّلا
وِبْيُوتْنَا اللِّي فِيهَا تْرِبَّيْنَا
وْعِمَّرْنَا مْدَامِيكَا بْإِيدَيْنَا
وِغْزَلْنَا سَاحَاتَا بْإِجْرَيْنَا
نَكْرِتْنَا!!
وِالأُم اللِّي بِكْيِت علَيْنَا
وْخِبَّيْنَا صُوَرْهَا بْعِينَيْنَا
قَبْل الشَّمِسْ مَا تْغِيبْ
وِدَّيْنَالاَ مْكَاتِيبْ
لاَ فَتْحِتُنْ
لاَ قِرْيِتُنْ
وْبِالْمَوْقَدِه الْـ قِدَّامْ بَابَا حَرْقِتُنْ
مْأَكَّدْ عَ طُول غْيَابْنَا نِسْيِتْنَا
وْمَاتِتْ بِقَلْبَا الطَّاهِر مْحَبِّتْنَا!!
ـ3ـ
يَا غُرْبِة الأيَّامْ الطَّوِيلِه
يَا غُرْبِة الشَّقَا وِالضَّنَى
قَبِلْ مَا تِحْكِيلُنْ حْكِيلِي
شُو اللِّي مِتْخَبَّالِي أَنَا؟!!
**
مجنون عم يسأل
ـ1ـ
غُرْبِه.. عْيُونَا سُودْ
مَا عُمرْهَا (عِشْرِينْ)..
قَالِتْ: بِـ شُو مَوْعُودْ
يَا شَاعْرِي الْمِسْكِينْ
عَمْ تِرْسُم الرَّجْعَه
عَ مْوَاجْ مُرْتِفْعَه
وْبَيْنَك وْبَيْنَا سْنِينْ؟!..
.. وْهَوْنْ عِنْدَكْ بَيْتْ
هَوْنِيكْ مَا عِنْدَكْ
حْمِلْتْ الشَّقَا وْفِلَّيْتْ
مَا فِي حَدَا سَنْدَكْ
لا الْحكِمْ بَدُّو يَاكْ
وْلا شَعْبَكْ تْبَنَّاكْ
وِالأرْضْ قِرْفِتْ مِنْ عَرَقْ زِنْدَكْ..
وَحْدِي أَنَا اللِّي حْمِيتَك مْنِ الْغَدِرْ
تَا قْوِيتْ عَ ظْرُوفَكْ
شُو إِنْتْ.. لَوْلا الْهَجِرْ؟!!
مَتْعُوبْ بِحْرُوفَكْ
مَصْلُوبْ فَوْق الشِّعِرْ
وِالدَّمّ عَ كْفُوفَكْ!!..
كَحْشُوكْ: ضِبَّيْتَكْ
بَغْضُوكْ: حِبَّيْتَكْ
جِمَّعِتْ مَالِي: سْخِيتْ عَ بْلادَكْ
تْزوَّجِتْ مِنِّي: حْرِمِتْنِي وْلادَكْ
لَيْشْ مُشْ قِنْعَانْ؟!
عَايِشْ بْقَلْبِي.. وْقَلْبَكْ بْلُبْنَانْ!!
ـ2ـ
قِلْتِلّهَا: مَا خِنْتِكْ بْهَالْعُمرْ
وْلاَ نْسِيتْ أَتْعَابِكْ
تْحِمَّلْتْ فِيكِي الْقَهرْ
تَا وْفِيتِكْ عْذَابِكْ
وْيَا ما بْعَرَقْ جِسْمِي
عِطَّرْتْ إِجْرَيْكِي
لَمْلِمْلِكْ النِّعْمِه
تَا إِشْلَحَا عْلَيْكِي
جِيتِكْ أَنَا وِزْغِيرْ
وِنْسِيتْ تَا إِجْهَلْ
تْعِبِتْ فِيكِي كْتِيرْ
وِالْعُمرْ يِطْوَلْ..
.. وْوَيْنْ بَدِّي صِيرْ؟!
مَجْنُونْ عَمْ يِسْأَلْ!!
**
غريبة
لحنّها الفنان إدغار بازرجي وغنتها الفنانة ريما الياس ووزع موسيقاها الفنان مجدي بولس
ـ1ـ
غَرِيبِه الْمَطَارِحْ غَرِيبِه
وْضِحْكَات الطُّفُولِه أَنِينْ
يَا شَمْسِ الْمَحَبِّه لا تْغِيبِي
ضَوِّي.. أَنَا لَيْلِي حَزِينْ
ـ2ـ
سَرْقِتْنِي الطُّرْقَات الطَّوِيلِه
وْرِمْيِتْنِي عَ بْوَاب بْوَابْ
يَا طْيُور الْمَسَافِه حْكِيلِي
لَيْش انْكَتَبْلِي الْعَذَابْ؟!
ـ3ـ
مِشْتَاقَه لِعْيُون الأَحِبَّه
لْضِحْكَاتُنْ بِلْيَالِي السَّهَرْ
تَا قِللُّو: يَا حُزْن تْخَبَّى
رَح يِرْجَع عَ بْلادِي.. الْقَمَرْ

اقلب الصفحة من فضلك

تراب عم يمشي

2007-10-23T20:27:00.000-07:00

تراب عم يمشي
لقد اتضح لي، بما لا يقبل الشك، أن الشاعر المرحوم إيليا أبو شديد قد سبقني بسنوات إلى القول : تراب باقي تراب وتراب عم يمشي.. لذلك، واعترافاً بحقّه في الأولوية، أهدي إلى روحه الطاهرة هذه القصيدة:
ـ1ـ
مِتْلِ الصَّخِرْ بِتْكُونْ يَا إِنْسَانْ
وْمِتْلِ الْوَرَقْ بِتْصِيبَكْ الرَّعْشِه!!
كلِّ الْخَلِيقَه الْـ خَالِقَا الدَّيَّانْ:
تْرَابْ رِجْعِ تْرَابْ.. وِتْرَابْ عَمْ يِمْشِي
ـ2ـ
خَافْ رَبَّكْ لا تْخَافْ النَّاسْ
شُو بْتِنْفَعَكْ هَـ الأُبَّهَه.. دَخْلَكْ
وْإِنْتْ لَوْ بِتْدُوقْ مِرّ الْكَاسْ
بِتْصِيرْ تِضْحَكْ عَ زِغِرْ عَقْلَكْ
ـ3ـ
تْيَابَكْ جْدِيدِه وْجِسْمَكْ مْوَسَّخْ
وْشَكْلَكْ حلُو مْنِ بْعِيدْ يَا إِنْسَانْ
محْتَال إِنْتْ.. وْعَقْلَكْ مْلَطَّخْ
بْإِشْيَا بَعدْ مَا بْيَعْرِفَا الشَّيْطَانْ!!
ـ4ـ
لا تِرْكَع تْصَلِّي لإِله الْكَوْنْ
وْمِلْيَانْ قَلْبَكْ بِالْحِقدْ عَ النَّاسْ
وْظِلْمَكْ ـ إِذَا بْتِظْلُمْ ـ يَا رَبّ الْعَوْنْ
بْتِدْبَح طفل مِنْشَانْ تِشْرَبْ كَاسْ
ـ5ـ
مُشْ كل صَلا بِتْطَلّعَكْ لَفَوْقْ
حَتَّى وَلَوْ صِلَّيْتْ لَيْل نْهَارْ
وْشُو نَفْعَك تْصَلِّي بْقِلِّةْ ذَوْقْ
وِعْيُونْ عَمْ تِقْدَحْ لَهِيب وْنَارْ؟!
**
دنيي غريبه
ـ1ـ
غَرِيبْ.. وْضَايِع بْدِنْيِي غَرِيبِه
مَلاَنِه هَمّْ
مَلاَمِحْ وِجّهَا الأَسْمَرْ كَئِيبِه
بِـ لَوْنْ الدَّمّْ
سَمَاهَا بْتِرْعُد.. وْغَيْمَا.. عَجِيبِه
بِيشَتِّي سَمّْ!!
وْكِل مَا تْمِدّْ إِيدَيْهَا الرَّهِيبِه
وْتِفْتَحْ تِمّْ
بْيِكْتَرْ شَعِبْهَا.. بَسّ الِمْصِيبِه
مَا عِنْدُو أُمّْ!!
ـ2ـ
.. وْإِذَا حِمْلَكْ عَ هَـ الدِّنْيِي شِي زَوْرَقْ
بِـ دُونْ شْرَاعْ
وْشِفْت الأَرْضْ فِسْتَانَا مْخَزَّقْ
عَ شَكْل ضْيَاعْ
فِيهَا الفَقرْ وِالصَّدْر الِمْعَبَّقْ
وْكِلْ مِينْ جَاعْ
عَنِ الطُّرْقَاتْ حَوِّشْ غُمرْ زَنْبَقْ
وْعَ صَخْرَه رْكَاعْ
وْقُولْ: الزَّهرْ لِلْمِتْلِي تْحَرَّقْ
عَ عِمْرُو الْـ ضَاعْ
وْكَرَامِةْ وَهمْ مِتْكَبَّرْ.. مْزَوْزَقْ
حَيَاتُو بَاعْ!!
ـ3ـ
دِنْيِي.. شَمسْهَا انْطَفْيِتْ بْإِيدِي
وْقَمَرْهَا غَابْ
حْصَدْت الضَّيْمْ كِرْمَالاَ حَصِيدِه
وْغَزَلْتُو تْيَابْ
وْعَصَرْت الْيَأسْ بِدْمُوعِي الْعَنِيدِه
وْسَكَبْتُو شْرَابْ
وْغَسَلْت الْحُزنْ بِبْحُورِي السَّعِيدِه
وْفَتَحْت بْوَابْ
وْنَفَضْت غْبَارْهَا وْصَارِت جْدِيدِه
بَلاَ أَتْعَابْ!!
**
رجال القوافل
ـ1ـ
رْجَال الْقَوَافِلْ عَجّلُوا بِالسَّيْرْ
وْتَرْكُوا رْبُوع الأَرْزْ زِعْلانِه
زَرْعُوا الْمَوَاسِمْ.. وِالْمَوَاسِمْ خَيْرْ
وْنَصْبُوا خْيَامُنْ بِـ وَطَنْ تَانِي
زِعل النِّدِي وِانْبَح صَوت الطَّيْرْ
وْتِكْيِت غْصُون الْحَوْر دِبْلانِه!!
ـ2ـ
وِاللِّي هَجَرْ بَكِّيرْ
صَعبْ تَا يِرْجَعْ
هِرْبَانْ مِنْ تِهْجِيرْ
بِـ قُوّة الْمَدْفَعْ
مْنِ سْيَاسْة حْزَازِيرْ
مِنْ ظُلم أَوْسَعْ
مِنْ تِمّ بَحْر كْبِيرْ
أَطْفَالْ عَمْ يِبْلَعْ!!
ـ3ـ
أَطْفَالْ مِتل الزَّهر مِرْمِيِّه
عَ حَفِّة خْنَادِقْ حَفَرْهَا الظّلمْ
وِعْيُونُن الْـ بِاللَّيْل مضْوِيِّه
عَ فَجر سَاطِعْ.. عَ بَقَايَا حلْمْ
انْطَفْيِتْ.. وْصَارِتْ أَلْفْ خَبْرِيِّه
عَنْ أَرْضْ مشْتَاقَه لْطَعْم السِّلْمْ
ـ4ـ
.. وِاللِّي بِيعِيشْ الْغَدرْ
مُشْ عَيْبْ لَوْ يِرْحَلْ
وْيِدْعَسْ بِـ بَطْن الْبَحرْ
وِالْهَجرْ يِتْحَمَّلْ
صَعْبِه اللِّي دَاق الْغَدرْ
بِالْحَقّ يِتْأَمَّلْ
وْيِحْلَمْ بِـ فَرْشِةْ زَهرْ
عَ بْسَاطْ مِن مُخْمَلْ!!
ـ5ـ
.. لَكِنْ إِذَا مْنِتْذَكَّر الأَيَّامْ
الْـ كانِتْ قَبلْ مَا الْحرْبْ تِتْفَجَّرْ
كِيفْ كِنَّا نْسَابِق الأَحْلامْ
وْعَ مْلُوك الْكَوْنْ نِتْكَبَّرْ
مِنْقُولْ: فَرْحِتْنَا وَقتْ مَا نْنَامْ
تَحتْ فَيِّةْ أَرزنا الأَخْضَرْ
ـ6ـ
وْنِطْوِي كْتَابْ الأَمْسْ
وْنِبْنِي سَعَادِتْنَا
الْعُرسْ مَنُّو عُرسْ
مِنْ دُونْ سَكْرِتْنَا
نِحْنَا الْـ عَطَيْنَا الشَّمْسْ
مِنْ نُورْ بَهْجِتْنَا
مَا مْنِرْضَى الْيَأسْ
يِلْعَبْ بِـ عِيشِتْنَا!!
**
صوتي مبحوح
ـ1ـ
صَوْتِي مَبْحُوح وْحنْجِرْتِي
نِشْفِتْ مِنْ هَبَّات غْبَارِكْ
وِالْغِنِّيِّه الْـ كانِتْ إِنْتِي
انْدَبْحِتْ وِانْشَلْحِتْ عَ حْجَارِكْ
ردِّي الْغِنِّيِّه يَا بْلادِي
وِالضِّحْكِه لِشْفَاف زْغَارِكْ
ردِّيلِي عِزِّي وْأَمْجَادِي
تَا ضَوِّي النّجْم مْقَابِيلِكْ
صَوتِي مَبْحُوح.. وْعَمْ إِحْلَمْ
إِرْجَعْ يَا بْلادِي إِتْعَلَّمْ
دَوْزِن الْعُود وْغَنِّيلِكْ:
" يَا غْزَيِّلْ يَا بُو الْهِبَا
يَا هَاوِي يَا مْعَذِّبَا
يَلْلاَّ نِرْجَعْ عَ بْلادِي
وِنْرَجِّعْ عَهْد الصِّبَا
ـ2ـ
يَا غْزَيِّلْ قللُّو وْقللُّو:
عَلَم الأرْزِه مِنْجِلُّو
وْبَاقِيلْنَا لُبْنَانْ كِلُّو
مْنِ السَّاحِلْ حَتَّى الرُّبَى
ـ3ـ
يَا غْزَيِّلْ بِـ غُرْبِتْنَا
مَا نْسِينَاهَا لْضَيْعِتْنَا
بَشِّرْهَا بِـ رَجْعِتْنَا
قَبْل الشَّمْس الْغَارِبَه
ـ4ـ
يَا غْزَيِّلْ شُو مَا صَابَا
نِحْنَا نِحْنَا أَحْبَابَا
وْمَجْبُولِين مْنِ تْرَابَا
هَاك الأرضْ الطَّيِّبَه"
ـ5ـ
صَوْتِي مَبْحُوح.. وْكِرْمَالِكْ
رَحْ إِغْزُلْ مِنْ "أُوفِي" شَالِكْ
وْإِفْرَحْ لَمَّا نَايِي يِبْكِي
وِيْنَزِّلْ دَمْعَاتُو قْبَالِكْ
شُو بَدِّي إِحْكِي تَا إِحْكِي
عَمْ جَرِّبْ مِنْ صَخْر جْبَالِكْ
وْمِنْ قُوِّةْ إِيمَان رْجَالِكْ
إِسْرُقْ يَا بْلادِي مُوَّالِكْ:
"قَالُولي: الْمَالْ.. قِلْتِلُّنْ: مَا بَدِّي
بَدِّي الْمَجْدْ شَامِيِّه عَ خَدِّي
أَنَا مْنِ بْلادْ أَرْزَاتَا جَوَاهِرْ
وْتُرَابَا تِبِرْ عَمْ يِلْمَعْ بِـ يَدِّي"
ـ6ـ
صَوتِي مَبْحُوح.. وْآمَالِي
إِمْحِي بِالنَّغْمِه لَيَالِي
وْرَنْدِحْ شْوَيِّةْ قِرَّادِي
عَمْ تِكْبَرْ وِتْعِيش بْبَالِي
حَابِبْ غَنِّيلِك يَا بْلادِي
وْخَايِفْ مِنْ حَالِي عَ حَالِي:
"ردِّي يَا بْلادِي ردِّي
الضَّرْبَات كْتَارْ
يَا نبْع الْجَارِي حَدِّي
وْقَلْبِي عَ نَارْ
ـ7ـ
مَهْمَا صَابِكْ لا تْقُولِي
نِسْيُوا الأيَّامْ
وْنِسْيُوا عَهد الطّفُولِه
بْغُرْبِةْ أَحْلاَمْ
الرُّوح بْحُبِّكْ مَجْبُولِه
مْنِ الصَّعْب نْنَامْ
وْعَمّ نْشُوفِكْ مَقْتُولِه
بْإِيدَيْنْ الْعَارْ.."
ـ8ـ
صَوْتِي مَبْحُوح.. وْإِيمَانِي
فِيكِي يَا بْلادِي خَلاَّنِي
إِرْفَع الصَّوْت وْغَنِّيلِكْ
رَحْ إِزْرَعْ إِسْمِكْ عَ شْفَافِي
وْإِحْملْ صَلِيبِكْ عَ كْتَافِي
وْإِطْفِي بِالدَّمْعَه غَلِيلِكْ
بَرْكِي يَا بْلادِي الْحَنُونِه
بْصَوْتِي وِبْدَمْعَات عْيُونِي
بْرِدِّلِّكْ نِتْفِه مْنِ جْمِيلِكْ..

اقلب الصفحة من فضلك

كمشتين فلوس

2007-10-22T20:30:00.000-07:00

كمشتين فلوس
ـ1ـ
لا تْمُوتْ هَونْ بْغربتَكْ لا تْمُوتْ
وْتِتْرُك تْرَابَكْ يِلْعَنَكْ بِالْقَبْرْ
رُوحْ قَضِّي عُمْرَك بْبَيْرُوتْ
وْنَفِّض جْنَاحَكْ مِنِ غْبَارْ الْقَهْرْ
ـ2ـ
بْتِبْقَى غَرِيب بْغُربتَك يَا صَاحْ
حَتَّى وَلَوْ مِلْيَانْ بَيْتَكْ بِالْخَدَمْ
يَلّلا سَوَا نِتْعَمْشَق بْكَمْشِة رْيَاحْ
وْنِرْجَع عَلَى لُبْنَانْ.. عَ أَرْض الشَّمَمْ
ـ3ـ
يَللاّ سَوَا نِطْرُد غَريب الدَّارْ
الْـ وَلَّعْ بِـ قَلْب الدَّارْ حقد وْنَارْ
الْـ خَلاَّ السَّمَا تِسْوَدّ بِسْمُومُو
وْخَلاَّ بكِذْبُو الْجَارْ يِدْبَحْ جَارْ
ـ4ـ
نِحْنَا اللّي كِنَّا عَايْشِينْ بْعِزّْ
نِتْغَنْدَر وْنِمْشِي مِتِلْ طَاوُوسْ
غْدَرْنَا بْبَلَدْنَا وِبْشُموخ الأَرْزْ
وْبِعْنَا الْكَرَامِه بْكَمِشْتَيْنْ فْلُوسْ
ـ5ـ
عَمْ نِرْكُض نْجَمِّعْ بِـ غُرْبِتْنَا سَرَابْ
وْنِفْنِي الْعُمر وِنْضَيّعو بِالْوَهْمْ
وولادْنَا الْـ ناسيينْهُنْ خَلف الِبْوَابْ
عَمْ يِكْبَرُوا وْبِقْلُوبْهُنْ شِلاَّلْ سَمّْ
**
قدموس
ـ1ـ
.. وْبِتْضَلّْ يَا قدْمُوسْ
يَا سَيِّد الأَسْيَادْ
حِبْر وْقَلَمْ وِدْرُوسْ
وْدَفتريَن جْدَادْ
ـ2ـ
يَا مْعَلِّم الأَجْيَالْ
بِكْتَابَكْ قْرِينَا
كِيفْ هَـ الأَطْفَالْ
مِنْوَسِّع جْبِينَا
ـ3ـ
الْيَوْمْ صِرْنَا كْتَارْ
وْكِنْتْ وَحْدَكْ بَسّْ
تِكْتُبْ عَ ضَوِّ النَّارْ
وِتْشِعّ مِتل الشَّمْسْ
ـ4ـ
وْمَرْكَبَكْ لِلْيَوْمْ
بَعْدُو بْعِينَيْنَا
لا تْخَافْ نِحْنَا النَّوْمْ
مَا بْيِقْدر عْلَيْنَا
ـ5ـ
بْعِيدَك.. يا رَبّ الْحَرْفْ
زَادْ إِيمانِي
تَا أُوصْفُو.. مْنِ الْوَصفْ
رَحْ يِتْعَب لْسَانِي
ـ6ـ
تْلامِيذ مِتل الزَّهر
عَمْ يرقصوا بْعِيدَك
سِكْرُوا.. وْكان السّكرْ
مِنْ رِيحة نْبِيدَكْ
ـ7ـ
شُو بْخَبِّرُنْ عَنَّكْ
يَا بدر مَا لُو غْيَابْ؟!
رَحْ فَهِّمُنْ إِنَّكْ
مَيِّتْ إِلَكْ أَجْيَالْ
وْبَعْدَكْ مَا صِرْت تْرَابْ!!
**
جنون
ـ1ـ
جْنُونِي أَقْوَى مْنِ جْنُونُنْ
جْنُونِي أَقْوَى مْنِ جْنُونُنْ
كِل مَا جَنُّوا.. بْجِنّ زْيَادِه
وْكل مَا رَاقُوا.. مِتْل الْعَادِه
بْشُوف الدَّمْعَه بِعْيُونُنْ
ـ2ـ
جَمْعِتْنَا الصّدْفِه الْمَلْعُونِه
بْدِنْيِي.. مَا اعْتَرْفِتْ بِفْنُونِي
أَشْعَارِي.. قَالِت: لِلنَّارْ
وْأَفْكَارِي.. ملاَّ أَفْكَارْ
وْتَا حَتَّى إِتْرُكْ تِذْكَارْ
جِنَّيْت وْخزَّقْت تْيَابِي
وْصرْت إِتْزَحْلَق عَ رْكَابِي
انْبِسْطُوا كلُّنْ وْهَنُّونِي
بْعَنْتَرِيَّاتِي الْمَجْنُونِه!!
ـ3ـ
عَاشَرْتُنْ.. تَارِي عَ الْعِشْرِه
النَّفْسِيِّه بْتِتْغَيَّرْ دِغْرِي
وْمَا بْيِنْفَعْنِي مَهْمَا صْرَخْتْ
وْمَهْمَا بْرَمْت.. وْمَهْمَا دخْتْ
رَحْ إِبْقَى جُوَّات بْلادُنْ
وِوْلادِي عَ شكل وْلادُنْ!!
ـ4ـ
.. وْهَاكْ الْمَاضِي الْـ بَعْدُو مْعَلَّقْ
عَ مَشْنِقْة الْحلم الأَزْرَقْ
فرَّخْ قَبْلِي زْرَار زْرَار
وْبَعْدِي نَاطِرْ مَا فرَّخْتْ
وْمِتل الْـ عَامل قَبْرُو تَخْتْ
نِمتْ.. وْمُشْ حَاسِسْ بِنْهَارْ!!
**
زهر أسود
ـ1ـ
.. وْعَمِ تْهَنُّونِي
بْأَحْلامْ ضَاعِتْ قبل ما تُولَدْ
وْهَرْبِتْ مِنِ خْيَالِي وْمِنِ جْنُونِي
وْزَرْعِتْ وَهِمْ مَجْنُونْ بِعْيُونِي
فَرَّخْ زَهرْ أَسْوَدْ؟!
ـ2ـ
دْمُوعْ عَمْ تِكْرُجْ وَرَاهَا دْمُوعْ
وْمَا عِدْتْ أَعْرِفْ نَامْ
أُمِّي تْغَنِّيلِي:
"نَامْ يَا طَير الْحَمَامْ"
وْتِبْكِي مْقَابيلِي
وْشُوفْ بِعْيُونَا لَهِيبْ شْمُوعْ
ـ3ـ
حوَّشْتْ نَارْ وْنُورْ مِنْ عُمْرِي
وْوِزَّعتْ بَاقاتْ الزَّهر عَ النَّاسْ
النَّاسْ خَانُوا وْيَبَّسُوا زَهْرِي
هَالْـ كنتْ حَاسِب صَعب إِنُّو يْبَاسْ
تَارِي اللِّي عاش الْغدرْ
بْيِدْبَحْ بـِ ضِفْرُو.. الزَّهرْ!!
ـ4ـ
يَا سَامْعِينْ الصَّوْتْ لا تْخَافُوا
صَوْتِي صَدَى حْكَاياتْ
وْيَامَا عَلَى شْفَافِي
نِيَّمْتْ غِنِّيَّاتْ
وْصِرْتْ غَنِّيهَا أَنا وْغَافِي
وِالحلم حامِلْنِي عَلَى كْتَافُو
وْلِمِّنْ فِقِتْ حِسَّيْتْ حلْمي ماتْ
مِنّو لَحالُو.. وْمَا حَدَا شَافُو!!

اقلب الصفحة من فضلك

وداع شاعر

2007-10-21T20:34:00.000-07:00

وداع شاعر
ـ1ـ
حفْلِة وِدَاعْ؟!.. وْلَيْشْ حَتَّى نْوَدِّعَكْ
وْنِلْقِي الْقَصَايِدْ وِالْخُطَبْ عَ مَسْمَعَك
وْنِحْنَا إِذَا مْنِقْرَا قَصِيدِه كْتَبِتْهَا
عَنْ أَهْلَك.. وْعَنْ أَرْضَكْ الْـ حِبَّيْتْهَا
مَهْمَا بْعِدِتْ.. مِنْطِيرْ تَا نْصَفِّي مَعَكْ؟!
ـ2ـ
إِنْتْ شَاعِرْ.. وِالذِّكَا مِنْ مَقْلَعَكْ
وِالْقَوَافِي بْتِرْتِوِي مِنْ مَنْبَعَكْ
يِعْنِي.. إِذَا غِنَّيْتْ بِتْخَلِّي الدِّنِي
تِرْقُصْ، وْقِدَّامْ شِعْرَكْ تِنْحِنِي
وِمِتْلِ الْخيَالْ تْصِيرْ تِمْشِي وْتِتْبَعَكْ
ـ3ـ
لَمَّا الْقَدَرْ فَجَّرْ حَنَايَا مَدْمَعَكْ
وْصَفَّى بضَرْبَاتُو الْقَوِيِّه يْوَجِّعَكْ
الْتَفُّوا حبَايِبْ قَلْبَكْ وْخَبُّوكْ
بِقْلُوبُنْ.. وْمِنْ كِتِرْ مَا حَبُّوكْ
وقْفُوا مَعَكْ.. ضدّ اللِّي بَدُّو يْرَكِّعَكْ
ـ4ـ
مِنْحِبَّكْ.. وْمِنْ هَيْكْ عَمَّا نِقْشَعَكْ
بْأَحْلامْنَا الْـ بِعْيُونْنَا عَمْ تِزْرَعَكْ
إِنْت الْوَفَا.. إِنْت الصّدق وِالْحُبّْ
وْعِنْدَكْ شَهَامِه شَامْخَه بِالْقَلبْ
عَ كِلّ أَبْنَاء الْبَشَرْ عَمْ تِرْفَعَكْ
ـ5ـ
مَخْجُول حَتَّى هَـ الْقَصِيدِه سَمّعَكْ
وْكِلّ القَصَايِدْ رَاكْعَه عَ مَرْكَعَكْ
لكِنْ.. قَبل ما تْعُودْ عَ أرض الْوَطَنْ
هَـ الأَرْض يَللِّي تْلاعَبِتْ فِيهَا الْفِتَنْ
حَابِبْ تَا قِلَّكْ بَسّ: أَللّـه يْكُونْ مَعَكْ.
**
جايِي
لحّنتها الفنانة وفاء صدقي وغنّتها الفنانة ريما الياس ووزّع موسيقاها الفنان مجدي بولس
ـ1ـ
جَايِي إِنِتْ جَايِي
يَا مَرْكَب الْبِدَايِه
مِنْ أَحْلام وْلادْ
خِلْقُوا بْقَلْب حْكَايِه
مَا بْتَعْرِفْ نِهَايِه
تَا يْعِيشُوا بِبْلادْ
مْرَاجِيحَا بِالْعَالِي
وِنْجُومَا دَوَالِي
وِسْنِينَا أَعْيَادْ
ـ2ـ
جَايِي مِتْلِ الْمَارِدْ
وِالْكَوْن قْبَالَكْ سَاجِدْ
وِالزَّلْغُوطَه بْدِينَيْكْ
وِالنِّجْمِه الْـ مَا بْتُوعَى
عَبِّتْ جَرَّه مْنِ دْمُوعَا
تَا تْغَسِّلَّكْ إِجْرَيْكْ
يَا لْـ كِنْت الدِّنْيِي كِلاَّ
جَايِي.. وِبْقُوِّةْ أَللَّـه
حُب وْهَنَا بْعِينَيْكْ
ـ3ـ
جَايِي مْنِ الْحَرَايِقْ
نُور وعُطر وْزَنَابِقْ
وِجْبِينَكْ مِتل التَّلْجْ
وْضِحْكَات الطُّفُولِه
اللِّي مْصَادرَه وْمَقْتُولِه
صَارِتْ وِسْع الْمَرْجْ
وِالرَّايِه الْمِنْهَانِه
يَا وَطَنِي اللّبْنَانِي
مَرْفُوعَه بْأَعْلَى بُرْجْ
ـ4ـ
شُو بْتِنْفَع الطَّوَايِفْ
وِالْخَالِقْ مِنْهَا خَايِفْ
لَو تِرْكَع وْتِتْعَبَّدْ؟!
وْشُو بْتِنْفَع السَّعَادِه
بِالصَّلاَ وِالْعِبَادِه
وْشَعْبَكْ عَمْ يِتْشَرَّدْ؟!
وْعِدْنِي بْحَقّ طْفَالَكْ
وِبْصَلِيبَكْ وِهْلالَكْ
تِبْقَى حُرّ مْوَحَّدْ
تَا تْزَلْغِط لْيَالِينَا
وْتِرْجَع إنت فِينَا
يَا وَطَنِي تِتْمَجَّدْ..
**

تركوني إفرح
ـ1ـ
لأَولْ مَرَّه مِنْ سِنْتَيْنْ
عَمْ حِسّ بْطَعْم الْفَرْحَه
صَابِتْنِي الدِّنْيِي بِالْعَيْنْ
جَرْحِتْنِي.. وْرِجْعِتْ مِنْ شَهرْ
غَمْرِتْنِي.. وْدَاوِتْ جرْحَا
ـ2ـ
تْركُونِي إِفْرَحْ يَا نَاسْ
وْإِمْسَحْ عَنْ خَدِّي الدَّمْعَه
لَوْ بِتْدُوقُوا مرّ الْكَاسْ
اللِّي شْرِبْتُو بْعَتم الأيَّامْ
بْتِخْتِصْرُوا الْعمر بْجمْعَه!!
ـ3ـ
يَا مِينْ يْرَكِّبْلِي جْنَاحْ
وِيْطَيّرْنِي بِالْعَالِي
بَدِّي إِتْغَلَّبْ عَ رْيَاحْ
نَفْخِتْلِي بْعِينَيِّي غْبَارْ
وْرِمْيِتْنِي بْأَصْعَبْ حَالِه!!
ـ4ـ
وْيَا مِينْ يْغَنِّيلِي صَوْتْ
وِيْدِقِّلِّي مُوسِيقَى
فَالِتْ مِنْ إِيدَيْن الْمَوْتْ
وْعَمْ إِتْشَلْقَحْ تَحْت الشَّمْسْ
وْمُصّ النُّور مْنِ عْرُوقَا!!
ـ5ـ
شَامِخْ.. مَعْ إِنِّي إِنْسَانْ
مَا بْيُؤْمِنْ بِطْلُوعْ الضَّوّْ
حَارَبْت الْحُقْد بْإِيمَانْ
سْرَقْتُو مِنْ بَخُّورْ الدَّيْرْ
وِحْرَقْتُو.. وْعِطَّرْت الْجَوّْ!!
ـ6ـ
هَنُّونِي.. هَنُّوا الْمَظْلُومْ
الْـ مَا بْعمْرُو دَاق الرَّحْمِه
رِجْعِتْ تِتْجَمَّعْ الِغْيُومْ
وِتْبَشِّرْ بِمْوَاسِمْ خَيْرْ
وْتِسْكُبْ عَ الأَرْض النِّعْمِه!!
**

إنت الوحيد
حفلة تجمّع المسنين العرب
ـ1ـ
يا هَـ التَّجَمُّعْ.. مُشْ عاجِبْنِي كْتيرْ
إِسْم التَّجَمُّعْ لازْمُو تَغْيِيرْ
مْسِنِّين!.. مِينْ بِيقُولْ عَنْكُنْ مِينْ؟
غَيْر الْـ ما عِنْدُو عْيُونْ أَوْ تفْكِيرْ
إِنْتُو بْعَيْنِي كَمِشْتَيْن سْنِينْ
إِنْتُو بْعَيْني عُمْر ما لُو حْدُودْ
مَهْما كِبِرْ بِيضَلّ شَبّ زْغِيرْ
ـ2ـ
زَهْرَه، بْغُرْبِةْ شَوْك، فاحِتْ بِالْعُطورْ
يا هَـ التَّجَمُّعْ.. زِيدْ غُرْبِتْنا زْهُورْ
إنتْ الْوَحِيدْ اللِّي عْطَيْت بْلا ثَـمَنْ
إنْت الْوَحيدْ اللِّي غْلِبتْ مَوْج الْبُحُورْ
إنْت الْوَحِيدْ الْواقِف بْوِجّ الْفِتَنْ
وَقْفِةْ بَطَل جَبَّارْ مَرْفُوع اللِّوَا
خَلَّص بْلادُو مْن الزَّعامِه وِالْفُجُورْ
ـ3ـ
بْلادُو.. بْلادِي.. بْلادَكْ.. وْشُو هَمّ؟
ما دامْ جامِعْنا الْعِرقْ وِالدَّمْ
ما دامْ نِحْنا لِلْحَضَارَه حَرْفْ
وْنِحْنا الأُخُوِّه الْـ ما احْتاجِتْ أُمّ
وْما دامْ حِبْر الضَّادْ صَعْبِه يْجِفّ
وِكْتابْنا الْقُرْآن والإِنْجِيلْ
إِيمانْنا بْهَـ الْكَوْن بَدُّو يْعِمّ
ـ4ـ
جايِي.. وْمُشْ عارِفْ بِأَيَّا لْسَانْ
أُشْكُر اللِّجْنِه الْمفضْلِه عْلَيْنا
خْصُوصِي الرَّئيسْ الشَّاعِرْ الإِنْسانْ
الْـ أَغْلَى مْنِ الضَّوّ الْـ بِـ عِينَيْنا
شَاعِرْ غَريب بْغُربتُو فَنَّانْ
بْيِزْرَع زْهُورُو عَ الْوَرَقْ.. مِنْشَانْ
تِبْقَى زْهُورُو بَينْ إِيدَيْنَا

**
اقلب الصفحة من فضلك

بطرك تقي

2007-10-20T20:38:00.000-07:00

بطرك تقي
احتفلت الجالية اللبنانيّة بافتتاح دير ومدرسة سيدة لبنان في هاريس بارك، نهار الأحد الواقع في 20 حزيران 1982، بحضور وزير التربية الأسترالي السناتور بيتر بوم والعديد من الشخصيّات الدينيّة والسياسيّة
ـ1ـ
كانْ يا ما كانْ في بَطْرَكْ تَقِي
كانْ الْقَداسِه وِالْوَفا يْحَيِّكْ
ضَحَّى بْعُمْرُو.. وْكِل شِي بْعُمْرُو بِقِي
ذِكْرَى وْجَمْعِيِّه عَ مَدّ الْكَوْن
تْمَجّدَكْ.. يا بَطْرَك حْوَيِّكْ
ـ2ـ
إنْت الْوَحيدْ اللِّي عْرِفْت رِبَّيْتْ
عْرايِسْ عَذَارَى انْخَطْبِت لْيَسُوعْ
وْما ضَلّ بِـ لُبْنانْ مُطْلَقْ بَيْتْ
إلاَّ وْهِدِيك بْنَيّتُو بْتَقْوَى وْخُشُوعْ
وْقِنْدِيلَك الْـ ما شَحّ فِيهْ الزَّيْتْ
صَعْب إِنّو يْشِحّ طُول الْعُمْر
ما دَامْ بِالدِّنْيِي شَقَى وْقَهْر وْدُمُوعْ
ـ3ـ
وِالْيَوْم مجْتِمْعِينْ شَخْصِيَّاتْنا
عْقُولُنْ عَ حُبَّكْ إِنْت.. دَوْم مْسَيّسِه
وْرَحْ يِرْقِصُوا صِبْيَانَّا.. بْنَيَّاتْنا
وْقَلْب أَهْلُنْ بِالسَّعادِه مِكْتِسِي
وْأُسْترَالْيَا اللِّي غَيَّرِتْ بِحْيَاتْنا
وْعَ شَطّها.. بَابُورْنا الضَّايِعْ رِسِي
عِرْفِتْ قِيمِتْنا.. كَرّمِتْ رَاهْباتْنا
بْأَرْض سِيدْني عَمّرِت هَـ الْمَدْرَسِه
وْحَتَّى السَّما تِنْقادْ لِصْلاواتْنا
لازِم نْقِرّ وْنِعْترِق بِـ فَضْل
رَاهِبات الْعَائِلِه الِمْقَدَّسِه
ـ4ـ
وْتا نِفْتِتِحْ هَـ الْمَدْرَسِه وِالدَّيْر
رَاسْنا مْنِحْنِيه لِلدَّيَّانْ
الْـ لَوْلا حَنَانُو ما ارْتَفَعْ هَـ الطَّيْر
وْلا طَار بِـ جَوّ الثَّقَافِه وِالإِيمانْ
وِبْقُوّتُو الرَّهْباتْ جَدُّوا السَّيْرْ
الرَّيْسِه كُونْستانْس مَعْ مَادْلانْ
وْقَالُوا: إِنتْ يا دَيْر مَنْبَع خَيْرْ
ومَنْجَمْ عُلُوم بْتِرْشُد الإِنْسَانْ
وِلْهَيْك سِمَّيْناكْ يَا هَـ الدَّيْر
عَ إِسْم سَيِّدْة الْوَطَنْ لُبْنانْ
ـ5ـ
أُسْترالْيَا بِعْيُونَّا قَدّ الدِّنِي
بِالْكَوْن كِلُّو ما إِلاَ تانِي
مِتل أَرْز الرَّبّ صَعْبِه تِنْحِنِي
وْقَلْب أَهْلا كْتَيرْ إِنْسانِي
وْبُكْرا.. بَعدْ مَلْيُون سِنِه
بْتُوقَفْ دِنِي تْخَبِّرْ دِنِي
مِنْ هَوْن مارِقْ شَعْب لُبْنانِي
**

بلوزا
في إحدى حفلات بلدة بلوزا
ـ1ـ
يا بْلَوْزا.. سَيِّدْنا الْيَوْمْ
جَايِي يْبَارِكْ خِبْزَاتِكْ
إِسْمُو تِرْتِيلِه بِالصَّوْمْ
عَطْفُوا نَوَّرْ عَتْماتِكْ
كِرْمالُو ما تْخَلِّي النَّوْمْ
يِطْفِي الشَّمْع بْسَهْراتِكْ
كِرْمالُو خَلِّيكِي دَوْمْ
قانا.. وْصُبِّي نْبِيداتِكْ
ضْيُوفِكْ، بِهَـ الْحَفْلِه قَوْمْ
يا ما حِلْفُوا بِحْياتِكْ
ـ2ـ
يا بْلَوْزا.. شُو ما حْكِينا
الْغُرْبِه رَحْ تِمْحِي الْكِلْماتْ
بْعدْنا عَنِّكْ وِشْقِينا
وْهاكْ الْحُلْم الصَّافِي ماتْ
ضِحْكِه مْنِ الْقَلْب عْطِينَا
دِبْلِتْ بِالْهَجْر الْبَسْماتْ
بِـ حُضْنِكْ رِبَّيْتِينا
وْقِسْتِي بِالشّبْر الْقَاماتْ
اشْتَقْنالِكْ.. لا تِنْسِينا
مدِّي إِيدِكْ.. لاقينا
إِنْتي يا أَحْلى الإِمَّات
**

مار نقولا
ألقيتها في حفلة خيريّة يعود ريعها لترميم كنيسة القديس نقولا في صافيتا،
20/12/1980
ـ1ـ
أهْلا وْسَهلا بْطلِّة الأَحْبابْ
بْهَـ اللَّيْلة الْـ فيها الْقَمرْ ما غابْ
بْهَـ السَّهْرة الْـ كِلاَّ حَلا وْحِلْوِينْ
الْـ مِنْ حِسِنْهُنْ حِسْن الطَّبيعَه خابْ
انْشَاللَّـه مْنِبْقَى هَيْك مَبْسُوطِينْ
تا نْفَهِّم الْعالَـمْ كِيف الْغِيَّابْ
ما يَوْم خانُوا وْكَسّرُوا قْوانِينْ
وْما يَوْم رِضْيُوا يِنْفِتِح هَـ الْبابْ
نِحْنا خْلِقْنا قَوْم مِتِّحْدِينْ
لا الدِّينْ فَرَّقْنا.. وَلا الأَحْزابْ
وِانْ كانْ فِينا النَّاسْ مَغْشُوشِينْ
وْقالُوا: بْتِحْكِمْنا شَرِيعِةْ غابْ
نِحْنا بْـإيدَيْنا انْزَرْعِت بْساتينْ
وْكِلّ كِلْمِه بْيِحِسْبُولا حْسَابْ
نِحْنا الْـ عَطَيْنا الأَرْضْ قِدِّيسِينْ
يِعْنِي.. بَلا إِنْجِيلْنا وْقُرآنْنا
ما فِي حَدا بْهَـ الْكَوْن كِلُّو تابْ
ـ2ـ
وْجُوهْ أَجْمَلْ مِنْ قَمَرْ نُوَّارْ
وِقْلُوب مِتْل التَّلْج بِـ آدارْ
أَللَّـه يِحْمِيكُنْ مِن الْحِسَّادْ
يَللِّي الشَّمْس مِنْ نُورْكُنْ بِتْغارْ
مَهْما تْغِرَّبْتُو وْصِرْتُو بْعادْ
عَ طُولْ بَعْدا مْلَبَّكِي الأَفْكارْ
عَ بْلادْكُنْ.. ما هَمّ أَيَّا بْلادْ
الِمْهِمّ فِيها بَعْد بَيّ كْبِيرْ
وْأمّ بَعْدُو قَلبْها عَ نارْ
ـ3ـ
نِحْنا جَماعَه مْعَوّدِه عَ الْخَيْرْ
بْرَوْض الْفَضِيلِه مْشَغّلِه عْقُولا
وْمِنْشانْ تِشْرُق شَمْس تِمّ الْغَيْرْ
مْنِمْشِي طَريق الْجُلْجُلِه بْطُولا
يِعْنِي الْهَجْر.. يِعْنِي السَّما وِالطَّيْر
بْتِشْهَدْ عَلَى الْكِلْمِه اللِّي رَحْ قُولا
بْأَرْض صَافِيتا فِي عِنَّا دَيْر
حامِل إسم قِدِّيسْنا نْقُولا
سَقْفُو انْهَدَمْ.. وِتْطايَرْ الْقَرْمِيدْ
لازِم بِنَخْوِتْنا صُرُوحُو نْشِيدْ
كْرامِة صَافِيتا وْشَعبْها الْـ ما أَكْبَرُو
كْرامِة شَفِيعَا.. الْـ بِالْقَداسِه عَم يْزِيدْ
نْقُولا.. اللّي إِسْمُو بَسّ إِنّو تِذْكِرُو
بِيرُوحْ يَوْم النّحْس وِلْيالِي النّهيدْ
بِقْلُوبنا.. بْأَمْوالْنا مِنْعَمِّرُو
تا الربّ يِحْمينا وْيِحْمي عْيالْنا
بْراس السِّنِه.. وِبْعِيدْ مِيلادُو الْمَجِيدْ
ـ4ـ
وْهَلَّقْ انْشَاللَّـه بْتِفْرَحُوا مَعْنا
وِبْتِرْقِصُوا.. وِبْتِسْكَرُوا لِلْفَجْر
انْ خِلْصِت الْخَمْرَه مِنْ مَدامِعْنا
مْنِعْصُرْ.. تا نِسْكُب لِلْحَبايِب خَمْر
حَتَّى إِذَا ضَاقِتْ مَجَامِعْنا
قْلُوبْنا مْنِفْتَحِلْكُنْ وِالصَّدْر
أَهْل نِحْنا.. الْحُبّ جامِعْنا
وْأُمّ وِحْدِه أُمّنا يا ناس
أُمّنا الغُرْبِه وْدُموع الْقَهْر
**

اقلب الصفحة من فضلك

أيطو

2007-10-19T20:40:00.000-07:00

أيطو
حفلة جمعيّة أيطو الخيريّة، 25/10/1986
ـ1ـ
يِسْعِدْ مَساكُنْ بِـ شَهرْ تِشْرينْ
بْلَيْلِةْ سَبتْ.. بِالْخامِس وِعْشرينْ
بْلَيْلِةْ فَرَحْ.. لَيْلِةْ هَنَا.. وِالنَّاسْ
عَ فَردْ قَلب وْرَبّ مِجْتِمْعينْ
يا رَيتْ بِبْلادي بْيِصْفَى الْكاسْ
تا يِرْجَعُوا الأَحْبابْ مِتِّحْدِينْ
نِحْنا شَعبْ مَجْبول بِالإِحْساسْ
مْنُؤمِن بِأَللَّـه وِبْأَرزْ لُبْنانْ
وْما يَوْم فَرَّقْنا الْعِرِقْ وِالدِّينْ
ـ2ـ
إِنْتُو الْوَفا وِالْحُبّ وِالإِحْسانْ
وْصَرْح الْبُطُولِه الشَّامِخ بْنَيْتُو
وْمِنْشانْ يِبْقَى بْهَـ الدِّنِي إِنْسانْ
مْعَمَّرْ عَ صَخْر التَّضْحِيِه بَيْتُو
وْمِنْشانْ يِبْقَى بْقَلبْكُنْ إِيمانْ
حْرَقْتُو الْعُمرْ تا الْعَتمْ ضوَّيْتُو
وْمِن كِتِر ما خْدَمْتُو الْوَطَنْ لُبْنانْ
إِسْمُو صَلا لِلْكَون صِلَّيْتُو
صِرْتُو أَرزْ مَزْروعْ بِالْبُلْدانْ
وِالنَّاسْ تِحْكي لْبَعضْها وِتْقُولْ:
أَللَّـه بْسَماهْ وْعَ الأَرضْ أَيْطُو
ـ3ـ
أَيْطُو الْحَبِيبِه الْغالْيِه عْلَيْنا
أَغْلى من النُّور الْـ بِـ عِينَيْنا
هِدْيِت بْلادي شْمُوعْ مضْوِيِّه
وْزَرْعِتْ كَرَمْ عَ كْفُوفْ إِيدَيْنا
خَلْف الْبَحرْ.. مِينْ غَيرْها هِيِّي
كَرَّمْ الأَرْزِه.. أَوْ وِفِي دَيْنَا؟
يا رَيْت عِنْدَا أَلْف جَمْعِيِّه
مْوَزّعَه بْهَـ الْكَونْ.. حَتّى نْقُولْ:
عَ إِسمْ أَيْطُو الْكَونْ سِمَّيْنا
ـ4ـ
عِيشُوا سَوَا وِالإيدْ تِشْبُكْ إِيدْ
لُبْنانْ شُو محْتاجْ لِـ أْيادي
تْحَيِّكْ أَمَلْ.. تِغْزُلْ شِي حُلْم جْديدْ
تا الْمَجْد يِعْبُد إِسِمْنا عْبادِه
مَهْما اللَّيالِي تْجِنّ.. فَجْر الْعِيدْ
جَايي وْجايِبْ نُورْ بِزْيادِه
شْبِعْنا شَقَا.. شْبِعْنا جَفَا وْتِنْهِيدْ
حَلُّو بَقَى شَمْل الشَّعبْ يِلْتَمّ
تَحتْ فَيِّةْ أَرزِة بْلادي
**
زهرة الكورة
ألقيتها في حفلة رأس مسقا، 7/3/1992
ـ1ـ
ناطِرْ عَ دَرْب الْوَعْد لاقِيكي
يا راسْمَسْقا، وْصِيرْ غَنِّيكِي
غِمَّضْت عَيْنِي، حْلمْت حُلْم كْبِيرْ
فتَّحْت عَيْنِي عَ أَهاليكي
أَحْبابْ.. مِتْلُنْ صَعْب إِنُّو يْصِيرْ
شِرْبُوا الْفَضِيلِه مِنْ سَواقِيكِي
لَوْلا الْحَربْ والْمَوت والتّهجيرْ
كانُوا انْزَرْعُوا كلّهُنْ فِيكِي
لا سافْرُوا.. وْلا جَمّعُوا التّعتيرْ
وْلا فَيْلَتُوا الدَّمعاتْ تِبْكيكي
ـ2ـ
يا زَهْرةْ الْكُورَه الْمُخْضَرَّه
يا نجْمةْ الأرْض الشّمالِيِّه
لفَّيْت كلّ مْحَبّتي بْصرَّه
وْخِبَّيتْها جُوَّاتْ عِينَيِّي
وْزِيَّنْتها بِوْرودْ مِحْمَرَّه
تا قَدِّمُنْ، يا راسْمَسْقا، الْيَوْمْ
لأَحْبابْ نَوَّرْ فَضْلُن عْلَيِّي
ـ3ـ
جَمْعيّتِكْ.. جَمْعِيِّةْ الإِحْسانْ
تْأَلّفِتْ.. تا تِرْفَعْ الإِنْسانْ
أَعْمالْها.. أَعْلامْ عَمْ بِتْلُوحْ
عَ بْراجْ مِبْنِيِّه بْصَخر صُوَّانْ
أَعْضاءها.. سَكْنُوا الْقَلب والرُّوحْ
كلُّنْ فَضِيلِه وْتَضْحِيِّه وْإِيمانْ
زَرْعُوا الْغُرْبِه زْهُور عَمْ بِتْفُوحْ
وْلَوْلا زْهُورُنْ ما انْعَرَفْ نيسانْ
هاماتْهُنْ.. تِيجانْ فَوْق صْرُوحْ
وْطَلاّتْهُنْ.. طَلِّةْ قَمَر فِرْحانْ
وْقاماتْهُنْ.. أَرْزاتْ مِنْ لُبْنانْ
ـ4ـ
وْمُسْتَوصفِكْ.. مُسْتوْصفْ الرَّحْمِه
بْجَنَّاتْ حُبُّو عْيُونْنا بْتِسْرَحْ
فاتِحْ عَ كَفُّو عْيادِةْ الْحِكْمِه
وْتارِكْ بِقَلْبُو لِلأَمَلْ مَطْرَحْ
ضَوَّى بْضِحْكِةْ أَرْمَلِه الْعَتْمِه
وْمَحَّى بْإِيمانُو ظْرُوفْ عَمْ تِجْرَحْ
وْلَوْلا سَخَا الْغِيَّابْ.. هَـ الْكِلْمِه
ما انْقَالِتْ.. وْلا زَلْغَط الْمَسْرَحْ
يا رَاسْمَسْقَا.. بْصَرْتِك بْنَوْمِي
عَمْ تِضْحَكي.. تا يِضْحَك الْمَظْلُومْ
وْعَمْ تِفْرَحي.. تا شَعِبْنا يِفْرَحْ
**

كنز كبير
ألقيت في يوم المسنين ـ سيدني 1988
ـ1ـ
ضِحْكُوا.. وْقَالُوا عَنْكُن: مْسِنِّينْ
وِالرَّاسْ عَمْ بِتْكَلِّلُو الشَّيْبِه
تِخْمِينْ مَا عِرْفُوا بَعْد تِخْمِينْ
إِنُّو الْحَامِلْ فَوْق رَاسُو تَلْجْ
بْيِشْبَه جَبَلْ صَنِّينْ بِالْغُرْبِه؟!
ـ2ـ
عْتَاقْ.. ما بِيهِمّ.. ضَلُّوا عْتَاقْ
جْدِيدْ هَـ الأَيَّامْ ما بْيِنْطَاقْ
إِنْتُو الْفَضِيلِه بْكلّ أَشْكَالا
وْقَلْب الْمَحّبِّه لْحُبّكُنْ مِشْتَاقْ
وِبْلادْنَا.. اللِّي قَلِّتْ رْجَالا
وْإِيد الأَعَادِي طَالت الأَعْنَاقْ
ارْتَاحِتْ.. وَقِتْ ما رِخْيِت حْمَالا
عَ كْتَافْكُنْ.. يَا كْبَارْنَا الْمَاشْيِينْ
مِسْلِمْ.. مَسِيحِي.. عَ الدّرُوب.. رْفَاقْ
ـ3ـ
بْحِبّكُنْ.. وِبْحِبّ تِبْقُوا دَوْمْ
مشْعَلْ هِدَايِه.. وْصَرْخِةْ الْمَظْلُومْ
لَوْلا تَعَبْكُنْ ما وْصِلْنَا الْيَوْمْ
نِغْزِي الْبُحُور وْنِسِتْحِلّ نْجُومْ
يا عْيُون حِلْفِتْ ما تْدُوق النَّوْمْ
مِنْشَانْ نِغْفَى وِالسَّعَادِه تْدُومْ
نِحْنَا شَعبْ.. شُو رَح يْفِيدُو الصَّوْمْ
لازِمْ عَ دَمّ دْيَابْنَا نِفْطَرْ
وَقْت الْـ بِيمُوتُوا.. بْلادْنَا بِتْقُومْ
ـ4ـ
يَا دِلّ شَعْب بْيِهْمُل الْخِتْيَارْ
وْيَا دِلّ أُمِّه كْبَارْهَا ضَاعُوا
الْخِتْيَارْ كَنْز كْبِيرْ مَهْمَا صَارْ
الْـ عَمْ يِشْلَحُوه طْفَالْهُنْ جَاعُوا
مْرَايِةْ تَارِيخْ بْتِعْكُس الأَنْوَارْ
وْمَنْبَعْ خُلُود لْكِلّ أَتْبَاعُو
وْحَرْبِه بصَدْر الْخَايِن الْغَدَّارْ
وْخَنْجَرْ بِـ قَلْب الْـ تَاجْرُوا فِينَا
وِبْكِلْ وَقَاحَه بْلادْنَا بَاعُوا
ـ5ـ
لُبْنَانْ أَرْض الْكلّ بَدُّو يْضَلّ
وِالْـ مُشْ عَ ذَوْقُو يْعَلِّق حْبَالُو
مَهْمَا عَ طرْقَاتُو الرّجَال تْقِلّْ
بْأَرْض سِيدْنِي كِتْرِتْ رِجَالُو
**

كفرصارون
ألقيتها عام 1996، في حفلة جمعية كفرصارون الخيرية التي عاد ريعها لبناء مستوصف النجدة الشعبية في البلدة
ـ1ـ
مِينْ مَا بْيِذْكُرْ حَرْب بْلادِي
وْكِيفْ الدَّمْعَه تْشِقّ عْيُونْ
وِشْهَادِه تِلْحَقْهَا شْهَادِه
وْشَعْبِي بِالْكِذْبِه مَدْفُونْ؟!
ـ2ـ
مِينْ مَا بْيِذْكُرْ صَرْخِةْ أُمُّو
بْوِجّ التّهْجِير الْمَلْعُونْ
وِالشَّهْقَه الْـ وِقْفِتْ عَ تِمُّو
وِظْنُونُو الْـ زَرْعِتْهَا ظْنُونْ؟!
ـ3ـ
مِينْ مَا بْيِذْكُرْ مَوْت طْفَالُو
عَ حْوَاجِزْ فَيْلَتْهَا جْنُونْ
وِالْخَوْف يْجَرْجِرْ بِخْيَالُو
وِالْمَوْت بْأَرْضُو طَاحُونْ؟!
ـ4ـ
مِينْ مَا بْيِذْكُرْ هَاكْ النَّجْدِه
الشَّعْبِيِّه بْبَلْدِةْ أَمْيُونْ
وْمِسْتَوْصَفْ عَمْ يِرْسُمْ مَجْدِي
ضِحْكِه.. عَ شْفَاف الْمَحْزُونْ؟!
ـ5ـ
مِينْ مَا بْيِذْكُرْ أَرْض الْكُورَه
وْطَلِّةْ قَامَات الزَّيْتُونْ
الْكُورَه.. مَا عَادِتْ مَقْهُورَه
شَعْبَا مِنْ أَكْرَمْ مَا يْكُونْ؟!
ـ6ـ
وِالْغِيَّابْ الْـ تَرْكُوا بْلادُنْ
وْدَمُّنْ لِبْلادُنْ مَرْهُونْ
هِدْيُوهَا ضِحْكَاتْ وْلادُنْ
وْضَحُّوا بِالْغَالِي تَا يِبْنُوا
مِسْتَوْصَفْ بِكْفِرْصَارُونْ؟!

اقلب الصفحة من فضلك

إبنك أنا

2007-10-18T20:43:00.000-07:00

إبنك أنا
ألقيت في حفلة خيرية عاد ريعها للمعاقين من أبناء مدينة طرابلس الفيحاء
ـ1ـ
يَا طْرَابْلُسْ.. جَايِي تَا غَنِّيلِكْ
وِحْكَايِة الْـ بِالْقَلْب إِحْكِيلِكْ
وْعَنْ أَهْلِك الْـ كِلُّنْ لَطَافِه وْذَوْقْ
فِشّ قَلْبِي شْوَيّ.. إِشْكِيلِكْ
صَارُوا بْفَضْلُنْ طَامْرِينِي لْفَوْقْ
وْكِيفْ بَدِّي رَجِّع جْمِيلِكْ؟!
ـ2ـ
يَا طْرَابْلُسْ.. صَرْلِي سْنِين سْنِينْ
نَاطِرْ تَا إِرْجَعْ بَوِّس تْرَابِكْ
وْكَحِّل عْيُونِي بْمَنْظَر بْسَاتِينْ
مْطَرّزِه بِزْهُورْهَا تْيَابِكْ
وْسَاحَات مِتْلا ما انْوَجَدْ.. تِخْمِينْ
التَّل نَجْمِه مَدْخَلاَ بَابِكْ
يَا مْدِينة الْـ ما بْيِنْحِنِيلاَ جْبِينْ
دَاخ الدَّهْر مِنْ قُوِّة شْبَابِكْ
بْحَلّفِكْ حِنِّي عَ مُغْتِرْبِينْ
عِتْق الْجُرح بِقْلُوبُنْ وْصَارِتْ
تِنْزِل دُمُوعُنْ دَمّ عَ غْيَابِكْ!!
ـ3ـ
إِبْنِكْ أَنَا.. وْرِضْعَانْ مِنْ صَدْرِكْ
لا تْصَدّقِي.. مَهْمَا انْحَكَى أَوْ صَارْ
مْنِ الْقَلْب صَعْبِه يِنْمَحَى ذِكْرِكْ
مَهْمَا لِعِبْ فِينَا غَريب الدَّارْ
وْلَوْلا بْيِنْقَصْ يَوْم مِنْ عُمْرِكْ
فَوْق عُمْرِك رَح بْزِيد عْمَارْ
يَا مْدِينة الْـ مَا بْتِفِرْقِي دَيْرِكْ
عَنْ جَامْعِكْ.. نِحْنَا اشْتَقْنَا كْتِيرْ
وْبَعْدُو الْوَطَنْ لُبْنَان فَوْق النَّارْ!!
ـ4ـ
يَا حَبِيبِةْ قَلْب شَاعِرْ مِسْتِحِي
يْقِلِّكْ قَصِيدِةْ شِعِرْ فَجَّرْهَا الْوَحِي
إِنْتِي الْقَصَايِدْ كِلّهَا.. إِنْتِي الْبُيُوتْ
وْشَمْس الْحَضَارَه بْطَلّتِكْ بِتْسَوْسِحِي
يَا مْدِينْةِ الأَحْبَابْ حَاجِتْنَا سُكُوتْ
بْحُزْنِكْ.. يَا فَيْحَا.. قْلُوبْنَا عَمْ تِجْرَحِي
لازِمْ عَدُوِّكْ يِنْتِهِي بْعَتْم التَّابُوتْ
وْيِرْجَعْ حَبِيبِكْ يِنْعَم بْحُضْن الْهَنَا
وْقِدَّامْ عَيْنُو كِل خَايِنْ تِدْبَحِي.
ـ5ـ
الْكِلْمِه الأَخِيرَه بْقُولْهَا: تْبَرَّعْ
مِينْ قَدّ حَاتِـمْ طَيّ خَلّدْتُو السّنِينْ؟!
وْلَوْ مَا قْلُوب بْهَالدِّنِي تُوجَعْ
أَصْحَابْهَا لِلْخَيْر خِلْقَانِينْ
مَا كَانْ فِينَا نْقَاوِم الْمَدْفَعْ
وْلا كَانْ فِينَا نْحَارِب شْيَاطِينْ
وْلا كانْ فِينَا لأَرضْنَا نِرْجَعْ
وْلا كانْ فِينَا نْبَلْسِم جْرُوحَاتْ
إِخْوِه.. الْبُغِضْ صَيَّرْهُن.. مْعَاقِينْ!!
**
صدى لبنان
ألقيت في حفلة جريدة صدى لبنان، 1986
ـ1ـ
يا صَدى لُبْنانْ.. طَال الإِنْتِظَارْ
تَا إِلْتِقِيكي.. وْخَبّرِكْ شُو صَارْ
كانُوا الْبَشَرْ يِتْماتْلُوا فِينَا
وْكِنَّا لْعُمْر الدَّهْر نِعْطِي عْمَارْ
صِرْنا شَعْب ناطِرْ عَلَى الْمِينا
هِرْبانْ مِنْ حِكَّامْ ذُلّ وْعارْ
دَاسُوا الْحَضَارَه وْمَجْد ماضِينَا
وْجَوّعُونا.. وْشَبّعُوا الدُّولارْ
يا صَدَى لُبْنانْ.. وَعِّينَا
الْكَوْن كِلُّو بْحَربْنا مِحْتارْ
وِبْلادْنا كِتْرُوا شْيَاطِينَا
الْـ حَطِّتْ حَوَاجِزْ بَيْن جَار وْجارْ
شْياطِينْ مُشْ مَعْرُوفْ شُو دِينَا
بْتاكُلْ.. بْتاكُلْ مِنْ لُحومْ النَّاسْ
وْطَبْخاتْها عَ طُول فَوْق النَّارْ
ـ2ـ
يا صَدَى لُبْنانْ.. فِي عِنْدِي سُؤالْ
بِعِرْفِكْ حُرَّه وْجَوابِكْ عَنْ يَقِينْ
هَـ الأَرْض يَللِّي هْمُومْها بِالبَالْ
وْعَ شْفافْنا نَغْماتْ وِتْلاحِينْ
وْمِنْشَان تِحْصُدْ خَيْرها أَجْيالْ
سْقِينَا تْرَابَا دْمُوع مُغْتِرْبينْ:
لَيْش فِيها تْكاتْرُوا الأَنْذَالْ؟
وْلَيْش فِيها لِعْبِت شْياطِينْ؟
وْلَيْش حَتَّى يِدْبَحُوا أَطْفَالْ
وْتِتْهَجَّر مْنِ بْيُوتْها مْلايِينْ؟
وْلَيْش بَاعُوا مَجْد إِسْتِقْلالْ
مُشْ مُلْك بَيُّنْ.. مُلكْنا نِحْنَا
وْمَدْفُوعْ حَقُّو دَمّنا مْنِ سْنِينْ؟
ـ3ـ
يا صَدَى لُبنانْ.. عِنَّا ناسْ
دَقُّوا الطّبْل لِلْغَاصِب الْمُحْتَلّْ
افْتَكْرُوا فِي عِنْدُو لِلضِّيافِه قْياسْ
رَشُّوا عَ إِجْرَيْه الْوَردْ وِالْفُلّْ
يا كِلْمِة الْحَقّ وْصَدَى الإِحْسَاسْ
يا حْرُوفْ مَزْرُوعَه عَ تِمّ الْكِلّْ
خَبّريهُنْ عَنْ ظُلْم أَنْجاسْ
بَدْل الْخَمرْ صَبُّوا لْشَعْبِكْ خَلّْ
قُولِيلْهُنْ: هَـ الأَرْض ما بْتِنْداسْ
وِالأَرْز.. أَرْز الرَّبّ ما بْيِنْذَلّْ
قُولِيلْهُنْ: بُكْرَا بْيِصْفَى الْكاسْ
حَرْب الْوَطَنْ مُشْ بَيْن دِين وْدِينْ
لُبْنانْ قِطْعَه مْنِ السَّما بِيضَلّْ.
**

أجراس قلبي
حفلة معهد سيّدة لبنان ـ هاريس بارك، 12 تموز 1984
ـ1ـ
يِسْعِدْ مَساكُنْ بِتْنَعِشْ تَمُّوزْ
شَهْر الْبَردْ وِالسِّنْ تِنْقُر سِنّ
قَلْبي أَنا بِـ غُربْتي مَحْجُوزْ
لأَهْل الْكَرَم وِالتَّضْحِيِّه وِالْفَنّ
وْمِين غَيْركُنْ بِمْحَبّتي بِيفُوزْ
مِينْ غَيْركُن أَجْراس قَلْبِي رَنّ
وْلَو ما جْنُوني اليَوم ما بيجُوزْ
مِنْ فَرحْتِي، يا ناسْ، كِنْت بْجِنّ
ـ2ـ
هَـ الثَّانَوِيِّه الْـ كانْ صَعْب تْصِيرْ
صَارِت فَخْر لِلْجالْيِه وْبَيْرَقْ
وِبْتَعْرفُوا قِدَّيْش تِعْبُوا كْتِيرْ
راهْباتْنا.. تا الْحُلْم يِتْحَقَّقْ
هِنِّي اللِّي سِهْرُوا وْشَغّلُوا التِّفْكِيرْ
وْهِنِّي الْـ عَ إِيدُنْ مَجدْها تْزَوْزَقْ
وْهِنِّي اللِّي صَلُّوا هَـ الصَّلا بَكِّيرْ:
فَوْق الزّغار بْسَيّدِة لُبْنانْ
شِعِّي يا عَدْرا بْتَوْبِك الأَزْرَقْ
ـ3ـ
أحباب إنتُو للأَبَدْ أَحْبابْ
وِوْجُوهْكُنْ قِنْدِيل سَهْرِتْنا
بِغْيابْكُنْ أَرْز الْوَطَنْ مِنْصابْ
وِمْصِيبْتُو هِيِّي مْصِيبِتْنا
شِدُّوا الْهِمِّه شْوَي يا غِيَّابْ
خْلاص الْوَطَنْ.. تِوْحيدْ كِلْمِتنا
تا تِرْجَعُولُو مْشَرّعَه الأَبْوابْ
وْتا نْفَرّحُو بْتِهْذِيبْ عَيْلِتْنا
جِيبُوا الزّغار نْدَرِّسُنْ بِكْتابْ
جِلدتُو مْنِ غْصُون أَرْزِتْنا
ـ4ـ
يا رَيْت فِيِّي إِعْصُر دْمُوعي
تا تِشِْرَبُوها بْهَـ الْمَسَا خَمْرَه
وْيا رَيْت فِيِّي دَوِّب شْمُوعي
كِرْمالْكُنْ إِنْتو بْهَـ السَّهْرَه
ما هَمّ لَو عانَيْت مِنْ جُوعِي
الِمْهِم تِكْبَرْ سَيّدِةْ لُبْنانْ
الْـ رَفْعِتْ إِسمْ لُبْنان وِالْعَدْرَا
**

طاب اللّقا
حفلة معهد سيّدة لبنان، أَيلول 1987
ـ1ـ
طاب اللِّقا.. وِالْهَجرْ مُش مَعْقُول
يِبْقَى مْفَرّق بِيْننا عَ طُولْ
شْهُور السِّنِه اللِّي بَعّدِتْنا كْتِيرْ
تْبَيَّضْ سِجِلاَّ الأَسْود بْأَيْلُولْ
ـ2ـ
بْأَيْلُول.. حَفْلِتْنا ضِوِي مِشْعالْها
تا مَدْرَسِتْنا دَوْم تِقْشَعْ حالْها
الرَّاهْباتْ تِعْبُوا وْسَيْهَرُوا النِّجْماتْ
وْعَلّمُوا بَدْر الدُّجَى مُوَّالْها
وْزَرْعُوا بْزَوايَا حْدُودْها أَرْزاتْ
حَتَّى الزّغار يْطَيّرُوا بِمْجالْها
وْكِلْ ما تْهبّ بْأَرْضنا النَّكْباتْ
شَقّ الصّبحْ.. تِسْمَع جْبال الأَرْزْ
صَوْت طالِع مِنْ صُدور رْجالْها
ـ3ـ
يا سَيّدةْ لُبْنانْ.. شَعّ النُّورْ
مْنِ حْجارْ بَيْضَا شَامْخَه فِيكي
وِالْجالْيِه اللِّي قَلبْها مَقْهُورْ
عَ بْلادْها.. مْنِ الْقَلبْ تِعْطِيكي
بْحَيْثِك نَغَمْ بِيرَندحُو الْعُصْفُورْ
وْمِتْل الصَّلاَ بْيِرْكَع يْصَلِّيكِي
وِالرَّاهْبِه اللِّي عُمرْها مَنْدُورْ
حِلْفِتْ بِـ باقي الْعُمْر تِبْنِيكِي
يا سَيّدِةْ لُبْنانْ.. شُو الْبخُّورْ؟
الْبَخُّورْ هُوِّي جَالْيِه مْحِبِّه
عَمْ تِحترِقْ مِنْشَانْ تِضْوِيكي
ـ4ـ
مُشْ هَمّ نِسْهَرْ لِلصّبحْ بَكِّيرْ
الِمْهِمّ صَرْحِكْ يِرْتِفِعْ أَكْتَرْ
وْيِضَلّ حِضْنِكْ مَلْعب عْصَافِيرْ
مِنْخافْ يِطْلَع جِنحْها مْكَسَّرْ
يا سيّدِةْ لُبْنانْ.. مَهْما يْصِيرْ
مِنْضَلّ نِشْبُكْ إِيدْنا بْإِيدِكْ
وْنِحْنا وْياكِي بْهَـ الدّنِي نِكْبَرْ
**
اقلب الصفحة من فضلك

حمام السلم

2007-10-17T20:48:00.000-07:00

حمام السلم
إحدى حفلات جمعيّة بلوزا الخيرية ـ سيدني
ـ1ـ
بْلادِي.. إِذَا رَحْ يِنْطِفي عِزَّا
بْعَلِّقْ عيُوني شْمُوعْ عَ أَرْزَا
قْناديلْ ما بِتْنُوصْ طُول الْعُمْرْ
مْزَيّتِي بِالدَّمّ.. يا بْلَوْزَا
ـ2ـ
يا ضَيْعِة اللِّي بْحِبّهَا عْبادِه
وِبْحِبّ شَعْبِكْ هَوْن.. بِزْيادِه
عَلَّى جْبِينِكْ تا يْطال الْغَيْمْ
وِيْقَطِّف النّجْماتْ لِبْلادِي
ـ3ـ
قِضَّيْت عُمْري رَوِّض الْهجْرانْ
وْإِحملْ صَليبي كْرامِة الإِنْسانْ
فَرْد مَطْلَبْ بِسْأَلَكْ يا رَبّْ:
رَجِّعْ حَمام السِّلمْ عَ الأَوْطانْ
**
مركب حضارة
حفلة معهد سيّدة لبنان، 6/7/1985
ـ1ـ
سَعِيدِه يا حْبايِبْنا سَعِيدِه
وْيا أَهْلا بْطَلِّة الْوِجّ الْبَهِيِّه
زَهْر الْكَوْن لَوْ بِجْمَع بإِيدي
تا عَبِّرْ عَن شُعُوري.. بْضَلّ عاجزْ
رِدّ جْمِيل إِيدَينْ السَّخِيِّه
ـ2ـ
تا نْكُون مِتل النّجْم بِالْعالِي
آيِةْ جَمال مْشَعْشَعَه بِالضَّوّ
وْمَرْكَبْ حَضارَه بْعَتْمِة لْيالي
شَقّ الْبَحرْ.. ما خاف غَدْر النَّوّ
لازِمْ يا أَغْلى وْأَعْظَم أْهالي
نْضَحِّي مَع الرَّاهْبات بِالْغالي
حتّى الْمَدارِس تِرْتِفِع بِالْجَوّ
ـ3ـ
هِنِّي اللِّي عَطْيُوا الْحَرْف رِسْمالُو
وْرَبُّوا الطّفلْ تا يْرَيّحُوا بالُو
هِنِّي اللِّي زَرْعُوا بْكِلّ بُقْعَه دَيْر
وْبِالثَّقافِه زَيّنُوا دْيالُو
وْلَوّنُوا رِيشَاتْ أَجْمَلْ طَيْر
طَيْر الْمَحَبِّه اللِّي السَّما مْجالُو
يَلاَّ يا أَهْل التَّضْحِيِّه وِالْخَيْر
نِخْدُمْ مَصَالِح جِيلْنا الطَّالِعْ
وْنِضْوِي مَع الرَّاهْباتْ مِشْعالُو
ـ5ـ
وْيَلاَّ سَوا نْعَمِّر بِهَـ الْغُرْبِه
مْدارِس حْجارَا قَلْبَك وْقَلْبِي
مِنْشانْ تا نْنامْ الْفِكر مِرْتاحْ
وْنِمْشِي بْسُهُولِه دْرُوبْنا الصَّعْبِه
وِالْخَيّ يِكْبَرْ حَدّ خَيُّو جْناحْ
يْشِعّ بْسماهُنْ نُور الِمْحَبِّه
وِتْفُوحْ مِنُّنْ رِيحة التّفّاحْ
زِينِة جَبَلْنا الصّامِد الشّامِخْ
مِتلْ أَرْزَك إِنْت يا رَبِّي
ـ6ـ
تْذَكّروني.. تْذَكّرُوا كْلامي
شاعِرْ أَنا مِن خِلقِتي فنّانْ
المال لا وْجاهَه وَلا زْعامِه
وْلا يَوْم فَبْرَك بِالدِّنِي إِنْسانْ
وْتا تُوصَلُوا لِلْمَرْكَز السَّامِي
رَبّوا الطّفل عَ الْخَير والإخْلاص
وْيِعْبُد بَعد أَللَّـه أرزْ لُبْنانْ
**

مار مارون
حفلة الطائفة المارونيّة بمناسبة عيد القديس مارون، 7/2/1987
ـ1ـ
يِسْعدْ مَساكُنْ.. كل ما النّجْماتْ
تِضْوِي.. وْتِحْلَى كْتِيرْ سَهْرِتْنا
يِسْعد مْساكُنْ.. أَهْل وِبْنَيَّاتْ
وْشُبَّانْ صَارُوا فَخْر أُمِّتْنا
لا تْواخْذُونا انْ قَلِّتْ الزِّيناتْ
شِفْنا الْقَمَرْ مِن وِجّكُنْ سَاطِعْ
رْضِينا تْكُونُوا، الْيَوْم، زِينِتْنا
ـ2ـ
يا مارْ مارُون.. الدَّمْع بِعْيُونِي
عَ بْلادْ فِيها النَّاسْ مَجْنُونِه
الْحَرْب عِنْدَا تَسْلِيِةْ أَطْفالْ
وْأَلْعاب بِشْياطِينْ مَسْكُونِه
وْكِيفْ بَدُّو يِنْشِرِحْ هَـ الْبَالْ
وِهْمُومْها بِالْقلْب مَدْفُونِه؟
الأَرْض اللِّي غَنِّتْ مَجدْها أَجْيالْ
صَارِتْ بِـ إِيد الْغَيْر مَرْهُونِه
بِشْفاعْتَكْ.. مِنْصُون إِسْتِقْلالْ
وِبْلادْنا بِتْضَلّ أَرْض الْكلّ
تا نْعَلِّقَا عَ صْدُورْنا.. قُونِه
ـ2ـ
لَيشْ الزَّمَنْ بِيدُور بِالْمَقْلُوبْ
وْأَرْض الْقَدَاسِه.. تْجِنّ فِيها حْرُوبْ
وْتِطْوَلْ وْتِطْوَلْ هَـ الْمَسافِه كْتِيرْ
ما بَيْن أَرْز شْمالْنا وِجْنُوبْ
سْنينْ عِشْناها بِهَـ التّعْتيرْ
تا صَارْ قَلبْ الصّخْر عَمْ بِيدُوبْ
يا مارْ مارُونْ.. كْبِيرْ إِنْت كْبِيرْ
قِدَّامْ أَللَّـه بْطَلّتَكْ مَهْيُوبْ
خَلِّص بْلادِي.. شِكّهَا نْواطِيرْ
وْما يْكُونْ فِيها غَالِبْ وْمَغْلُوبْ
نِحْنَا تْعِبْنا.. النِّيرْ فَوْق النِّيرْ
هَـ الشَّعْب يَللِّي كانْ نُور الْكَوْنْ
صَفَّى عَ جُلْجلْة الْغَدرْ مَصْلُوبْ
**
ولاد ضيعتنا
حفلة جمعيّة رأس مسقا الخيريّة عام 1987
ـ1ـ
يا مِيةْ هَلاَ بِوْجُودْ أَحْبابِي
بْضِحْكاتْ عَطْيِتْ نُورْ سَهْرِتْنا
يا راسْمَسْقَا الْـ حَضْنِك كْتابِي
مِنْ كِتِرْ ما مِنْحِبّ غِيَّابِكْ
مِنْقُول: هَوْدي وْلادْ ضَيْعِتْنا
ـ2ـ
يا رَاسْمَسْقَا.. سْنِينْ خَلْف سْنِينْ
بْقِلِّكْ شِعْر وِالأَرْض محْتِرْقَه
احْتَلِّت بْلادِي زُمْرِة شْياطِينْ
احْتَرْفُوا الْقَتْل والنَّهْب وِالسِّرْقَه
زَرْعُوا الْفِتْنِه بَيْن دِين وْدِينْ
وْقَسّمُونا.. وْحَبّذُوا الْفِرْقَه
يا رَاسْمَسْقَا.. خَبّري مْساكِينْ
لَوْلا بْغَدْرُن كلّنا مِنْمُوتْ
وِحْدِة شَعْب لُبْنان رَحْ تِبْقَى
ـ3ـ
مَحْرُوق قَلْبِي كْتِيرْ يا إِخْوانْ
عَ طفْل ماتِتْ مَيْمتُو حَدُّو
عَ بْلادْ كانِتْ زِينة الْبُلْدانْ
حَرْقُوا ضِيَعْها.. وْصَرْحها هَدُّوا
عَ شَعْب.. إِسْمُو شَرَّف الإِنْسانْ
مَرْفُوع رَاسُو وْما حَدَا قَدُّو
قِدَّامْ مَجْدُو رَكْعِت التِّيجانْ
وِالْعِزّ شَامِه مْزَيّنِه خَدُّو
لِعْبُوا بْتارِيخُو.. شَوّهُوا الأَدْيانْ
وْمَلْيُون جَيْش تْقاسَمُوا حدُّو
خَلِّيكْ رَمْز الْحُبّ يا لُبْنانْ
وْلا تْخاف لَوْلا انْبَحِّت غْنانِيكْ
الْغِيَّابْ حِلْفُوا مَجْدَكْ يْرِدُّوا
ـ4ـ
هْجَرْناكْ يا لُبْنانْ.. ما مْنِنْلامْ
خَنْق الْفِكر.. ما بْتِقْبَلُو الأَقْلامْ
مْن الصَّعْب يِرْضُوا بْعِيشِتُنْ أَحْرارْ
بِبْلادْ مُشْ مَسْمُوحْ فِيها كْلامْ
وْمِن كِتر ما رْفَضْنا نْسِيب الدَّارْ
دِقْنا الْغَدر وِالْقَهْر وِالآلام
مْشِينا عَ دَرْب الْجلْجلِه.. تا صَارْ
دَمْع الْيَتامَى يِجْرُف الأَحْلامْ
هْجَرْناك.. وَقْت الْجارْ خان الْجارْ
وْوَقْت اللِّي حِمْلتْ هَمّنا الأَيَّامْ
هْجَرْناكْ.. لَكِن قَلبْنا عَ نارْ
وِعْقُولْنا عَمْ تِنْخِرَا الأَوْهامْ
هْجَرْناكْ.. مُشْ مَعْقُول.. وِالتِّذْكارْ
بَعْدًُو أَمانِه غَالْيِه عَ طُولْ:
حَبِّة تْراب بْصدْرنا بِتْنامْ
ـ5ـ
لَوْلا الْمَحَبِّه الطَّاهْرَه بِالْقَلبْ
وْهاك الأَيادي الْـ عَم بْتِتْبَرَّعْ
ما انْبَنْيِت بْأَرْضَكْ مَراكِزْ طُبّ
تْداوي طفْل عِينَيْه عَمْ تِدْمَعْ
وْرَاسْمَسْقَا.. الْتَفّ حَوْلا الشَّعْب
تَا يِنْبِنِي الْمُسْتَوْصَفْ وْيُوسَعْ
هَـ الضَّيْعِة الْخَضْرا.. بْإِذْن الرَّبّ
بْتِسْتَقْبِل الأَفْراح يا لُبْنانْ
وْما يْعُود مَرَّه قَلبْها يُوجَعْ
**

طرابلس
ـ1ـ
إِنْتِي الْحُلم.. يا مْدِينْة الْفَيْحَاءْ
وْإِنْتِي أَمَلْنَا عِنْدْ غَدْرَات الزَّمَنْ
قِدَّامْ إِسْمِكْ رَكْعِت الأَسْمَاءْ
وْزِدْتِي بْتَارِيخِكْ فَوْقْ أَمْجَاد الْوَطَنْ
ـ2ـ
إِسْلامْ وِنْصَارَى.. مَا عِنْدِكْ فَرْقْ
رَبّ وَاحِدْ.. رَبّْ كلّ النَّاسْ
الْـ مَا يَوْمْ مَيَّزْ بَيْنْ عِرْق وْعِرْقْ
وْلا مْنِ الْبَشَرْ فَضَّل جْنَاسْ جْنَاسْ
نِحْنَا شَعبْ وَاحِدْ بِأَرْض الشَّرْقْ
عِشْنَا الْعُمرْ نِشْرَبْ سَوَا بِالْكَاسْ
وِالْمَادْنِه تِنْدَه جَرَسْنَا.. يْدِقّْ
تَا نْأَدِّنْ الإِنْجِيل بِالْجَامِعْ
وِنْرَتِّلْ الْقُرْآنْ بِالْقِدَّاسْ
ـ3ـ
لَمَّا انْسَلَخْنَا عَنْ وَطَنَّا الْمُفْتَخَرْ
نِزْلِتْ دُمُوع عْيُونْنَا مِتْل الْمَطَرْ
وْصِرْنا نْكِدّ وْنِشْتِغِل لَيْل وْنَهَارْ
وْنِجْمَعْ بِغِرْبِتْنَا اللآلِي وِالدُّرَرْ
وْنِحْلَمْ بِأَجْمَلْ أُمّْ رَبِّتْنَا زْغَارْ
طال انْتِظَارَا.. وْبَيَّن عْلَيْهَا الْكبَرْ
وْنِحْلَمْ بِحضْن الْوَالِد الْخِتْيَارْ
وِبْأَرْضْ عَمْ يِلْعَبْ بِتَارِيخَا الْقَدَرْ
يَلْلاَّ سَوَا نِطْرُدْ غَرِيب الدَّارْ
وْنِصْرُخْ بِوِجُّو: مُوتْ يَا غَدَّارْ
نِحْنَا بَشَرْ غِيرْ شكلْ عَنْ كلّ الْبَشَرْ
ـ4ـ
بْحَلّفِكْ بِقْلُوبْ مِحْتِرْقَه
ضَلِّي وَفِيِّه لأَرزْنَا الْجَبَّارْ
عِمْلُوا الأَعَادِي بْقَلبْنَا حَرْقَه
وَقتْ اللِّي زَرْعُوا بِـ وَطَنَّا النَّارْ
وْرَشُّوا عَلَى طُرْقَاتْنَا الْفِرْقَه
وْعِمْيُوا عِينَيْنَا بْكَمِشْتَيْن غْبَارْ
حَلاَّ بَقَى.. نْشُوف السَّمَا زَرْقَا
وْنِخْجَل وْنِمْسَحْ عَنْ شَرَفْنَا الْعَارْ
وِتْصِيرْ فِينَا تِفْرَح الْمَرْقَه
مَهْمَا قِسِي عْلَيْنَا الزَّمَان وْجَارْ..
**
راس مَسقا
ـ1ـ
يَا رَاسْ مَسْقَا الْـ كِلِّك مْحَبِّه
فِيكِي الطَّوَايِفْ عَايْشِه بْنِعْمِه
مْأَكَّدْ بِـ أَرْضِكْ.. هَيْكَلُو رَبِّي
عَمَّرْ قَبل ما تِنْتِعِشْ نَسْمِه
وْقَللاَّ: يَا أَسْرَار الدِّنِي تْخَبِّي
بِرْبُوع عَمْ تِضْوِي مِتِلْ نجْمِه
وْبِقْلُوبْ.. صُورَه مْزَغَّرَه لْقَلْبِي
وْبِعْقُولْ نَاسْ تْعَوّدُوا عَ الْخَيْرْ
قدَّامْ مَجْدُنْ رَكْعِت الْكِلْمِه!!
ـ2ـ
يَا ضَيْعِة اللِّي بْتِقْسِمَا وَادِي
يَا رَمزْ كِلّ طْوَايِف بْلادِي
الدِّينْ عِنْدِك: تَضْحِيِه وْإِيمَانْ
مُشْ تِجَارَه وْغِشّ وِسْيَادِه
يا رَاسْ مَسْقَا.. لَوْ حِكِي الدَّيَّانْ
وْسَأْلِكْ: شُو بَدِّكْ إِعْمل بْلُبْنانْ؟
قُولِي: احْفَظُو.. تَا رَايْتُو تِنْصَانْ
وْيِبْقَى عَ طُول الدَّهر وِالأَزْمَانْ
جْرَاسْ دَيْر.. وْجَامِع عْبَادِه.